ഇന്ത്യന്‍ പ്രധാനമന്ത്രി നരേന്ദ്ര മോദി എഴുപതോടടുക്കുന്നു .എന്നാല്‍ ചിന്തയും പ്രവൃത്തിയുമെല്ലാം പരിചയസമ്പത്തുള്ള എന്നാല്‍ ഊര്‍ജ്ജസ്വലമായ യുവനേതാവിനെപോലെയാണ് .യു എസ്സും ഇന്ത്യയും തമ്മിലുള്ള സൗഹൃദം അതിന്റെ ഉച്ചസ്ഥായിയില്‍ എത്തിനില്‍ക്കുകയാണ് .ഒരിക്കല്‍ പാകിസ്ഥാന് വേണ്ടി ആയുധമെടുത്ത് കടല്‍മാര്‍ഗം ഇന്ത്യക്ക് നേരെ കുതിച്ചെത്തിയ അതെ അമേരിക്കയുടെ നാവികസേന തന്നെയാണ് ഇന്ന് ഇന്ത്യയോടൊപ്പം മലാക്ക കടലിടുക്കില്‍ സേനാഭ്യാസം നടത്തി സൗഹൃദം ഊട്ടിയുറപ്പിച്ചിരിക്കുന്നത് .

പ്രതിരോധമേഖലയില്‍ ഇന്ത്യ കൊണ്ടുവന്ന പുത്തന്‍ സാമ്പത്തിക മാറ്റം വലിയ തോതില്‍ അമേരിക്കയെ ആകര്‍ഷിച്ചിരിക്കുകയാണ് .മാത്രമല്ല വിദേശനിക്ഷേപം സര്‍വ്വകാല റെക്കോര്‍ഡിലേക്ക് ഉയര്‍ത്തിയ ഇന്ത്യന്‍ നയത്തെയാണ് ലോകരാജ്യങ്ങള്‍ അത്ഭുതത്തോടെ നോക്കിക്കാണുന്നത് .കോവിഡ് കാലത്തും ഇന്ത്യയുടെ സാമ്പത്തിക നിലയില്‍ വിള്ളലുണ്ടാകാതെ വിദേശ രാജ്യങ്ങളുമായി കൈകോര്‍ത്ത് കൊണ്ടുള്ള ന്യൂജന്‍ സ്ട്രാറ്റജിയാണ് പ്രധാനമന്ത്രി കൈകൊണ്ടിരിക്കുന്നത് .

ഈ ന്യൂജന്‍ സ്ട്രാറ്റജിയില്‍ പെടുന്നവയാണ് .വിദേശനിക്ഷേപം വര്‍ധിപ്പിക്കലും ,യൂറോപ്പ്യന്‍ യുണിയനുമായുള്ള സൗഹൃദം വര്‍ദ്ധിപ്പിക്കുന്നത് പുതിയ അന്താരാഷ്ട്ര നയത്തിന്റെ ഭാഗമായി തന്നെയാണ് . പ്രതിരോധ മേഖലക്ക് പുറമെ ആരോഗ്യ രംഗത്തും ഐടി മേഖലയിലും ഊര്‍ജ്ജ മേഖലയിലും നിക്ഷേപം നടത്താന്‍ അനിവാര്യമായ സമയമാണിതെന്ന് പ്രധാനമന്ത്രി നാരേന്ദ്രമോദി പറഞ്ഞു.

ഇന്ത്യയുടെ വിദേശ നിക്ഷേപത്തിലും വന്‍ വര്‍ധനയാണ് ഉണ്ടായിരിക്കുന്നത്. 2019-20 കാലഘട്ടത്തിലുണ്ടായത് 74 ബില്ല്യണ്‍ ഡോളറിന്റെ നിക്ഷേപമാണെന്നും കഴിഞ്ഞ വര്‍ഷത്തേക്കാള്‍ 20 ശതമാനത്തിന്റെ വര്‍ധനയാണ് ഉണ്ടായതെന്നും അദ്ദേഹം വ്യക്തമാക്കിയിരിക്കുകയാണ് . ഭാവി വികസനം മനുഷ്യ കേന്ദ്രീകൃതമാകണം എന്നതിനാല്‍ തന്നെ അതിനു വേണ്ടുന്ന അടിത്തറ പാകുകയാണ് ഇന്ത്യയുടെ ലക്ഷ്യമെന്നും അദ്ദേഹഹം ഈ ഉച്ചകോടിയിലൂടേ വ്യക്തമാക്കുന്നു . സമൃദ്ധമായ ലോകത്തിനായി ഇന്ത്യ വലിയ സംഭാവനയാണ് നല്‍കുന്നത്. അവസരങ്ങളുടെ നാടായി ഇന്ത്യ ഉയരുകയാണെന്നും ഇന്ത്യ ബിസിനസിന് അനുയോജ്യമെന്ന് ലോകബാങ്ക് വിലയിരുത്തിയെന്നും പ്രധാനമന്ത്രി പറഞ്ഞു.. ഇന്ത്യ ഐഡിയാസ് ഉച്ചകോടിയില്‍ സംസാരിക്കവെയാണ് അദ്ദേഹം ഇക്കാര്യം വ്യക്തമാക്കിയത്.യു എസ് ഇന്ത്യ
ബിസിനസ്സ് കൗണ്‍സിലിന്റെ 45 ആം വാര്‍ഷിക വേളയില്‍ അദ്ദേഹം ഉന്നയിച്ച കാര്യങ്ങളില്‍ ഏറ്റവും പ്രധാനം ഇന്ത്യയും അമേരിക്കയും തമ്മിലുള്ള സൗഹൃദ അന്തരീക്ഷം തന്നെയാണ് .അത് സമീപകാലത്തെ ഏറ്റവും വലിയ ഊഷ്മളതയിലേക്ക് നീങ്ങുകയാണ് .പ്രതിരോധ വ്യാപാരം എന്ന പുത്തന്‍ ആശയം യു എസ്സിനും ഇന്ത്യക്കും പുതിയ പാതയാണ് തുറന്നിട്ടിരിക്കുന്നത് .ഇന്ത്യ ഏറ്റവും വലിയ വ്യാപാര സൗഹൃദമായി മാറുമ്പോള്‍ അത് ഏഷ്യയില്‍ തന്നെ പല മാറ്റങ്ങളും ഉണ്ടാക്കിയിരിക്കുകയാണ് .പി പി പി അഥവാ പാര്‍ച്ചയിസിംഗ് പവര്‍ പാരിറ്റിയില്‍ ഇന്ത്യന്‍ സാമ്പത്തികം മൂന്നാം സ്ഥാനത്തു നിന്നും രണ്ടാമതായുയരാനുള്ള
നിതാന്തമായ പരിശ്രമമാണ് നടത്തി വരുന്നത് .അതിനായുള്ള തീവ്ര പരിശ്രമം കൂടി തുടങ്ങിയിരിക്കുകയാണ് .നിലവില്‍ 6 .7 ശതമാനത്തില്‍ നിന്നും 10 ശതമാനത്തില്‍ ഇന്ത്യയുടെ പാര്‍ച്ചയിസിംഗ് പവര്‍ പാരിറ്റി തോത് ഉയര്‍ത്താനും പുതിയ സാമ്പത്തിക നയങ്ങള്‍ ആവിഷ്‌കരിക്കേണ്ടതായി വരും .ഇന്ത്യയും യു എസ്സും സംയുക്തമായി നീങ്ങുമ്പോള്‍ അത് ചൈനയുടെ സാമ്പത്തിക അടിത്തറ തകര്‍ക്കാനുള്ള സംയുക്തനീക്കം കൂടിയാണ് .അറിഞ്ഞോ അറിയാതെയോ ഇന്ത്യ ചൈനയുടെ കപട മുഖം മറ്റു രാജ്യങ്ങളോടൊപ്പം ചേര്‍ന്ന് വലിച്ചൂരുകയാണ്