ഇന്ത്യയ്ക്കെതിരെ അയല്രാജ്യങ്ങളെ തിരിക്കാനുള്ള പാകിസ്താന്റെ ശ്രമത്തിന് വീണ്ടും തിരിച്ചടി... ജമ്മു കശ്മീര് വിഷയത്തില് ബംഗ്ലാദേശിനെ ഇന്ത്യക്കെതിരെ തിരിക്കാനുള്ള പാകിസ്താന്റെ തന്ത്രം പാളി
ബംഗ്ലാദേശും ഇന്ത്യയും തമ്മില് അതിര്ത്തി പ്രശ്നങ്ങള് ഉണ്ട് എന്നും അത് എല്ലാ തരത്തിലും പ്രയോജനപ്പെടുത്തി കാര്യങ്ങള് തങ്ങളുടെ വഴിക്കാക്കാമെന്നുമുള്ള ഇമ്രാന്റെ കപട മുഖം ഒടുവില് ഷേക്ക് ഹസീന തിരിച്ചറിഞ്ഞു .പാകിസ്താനിലേക്കുള്ള ഇമ്രാന്റെ ക്ഷണം പോലും അവര് അംഗീകരിച്ചില്ല എന്നാണ് റിപ്പോര്ട്ടുകള് വ്യക്തമാക്കുന്നത് . ബംഗ്ലാദേശ് എന്ന രാജ്യത്തിന്റെ പിറവിക്കായി ഇന്ത്യ നടത്തിയ ഇടപെടല് പെട്ടന്നൊന്നും മുജീബുര് റഹ്മാന്റെ പുത്രിക്ക് മറക്കാന് കഴിയുന്നതല്ല .പാക്കിസ്ഥാന് ഇപ്പോള് സൗഹൃദം ഭവിക്കുന്നതെന്തിന് വേണ്ടിയാണെന്നും അത് എത്രത്തോളം കാലം നീണ്ടു നില്ക്കുമെന്നും അവര്ക്ക് നന്നായറിയാം.അതിനാല് തന്നെ അവര് കരുതലോടെ തന്നെയാണ് പാകിസ്താനുമായി ഇടപെടുന്നത് .
കാശ്മീര് വിഷയത്തില് ബംഗ്ലാദേശിന്റെ കൂടി പിന്തുണ കിട്ടുമോ എന്നറിയാനുള്ള ഇമ്രാന്റെ വിഫല ശ്രമമാണ് ഒടുവില് ഇങ്ങനെ നാണക്കേടില് കലാശിച്ചത് .നിലവില് ഇന്ത്യയുടെ നയങ്ങള് അതിശക്തമാണ് .നേരിട്ടാക്രമിക്കാന് വരുന്ന പാകിസ്ഥാന്റെ ഭീകരതയും ഒളിഞ്ഞിരുന്നു അവര്ക്ക് എല്ലാ പ്രചോദനവും ഒരുക്കികൊടുക്കുന്ന ചൈനീസ് കുടിലതന്ത്രവുമെല്ലാം അസ്ഥാനത്തായി .അതിനാല് തന്നെ പുതിയ വഴികള് അന്വേഷിക്കുകയാണ് ഇമ്രാന് .ഇസ്ലാമിക രാജ്യങ്ങളുടെ കൂട്ട് പിടിച്ചു പുതിയ സംഘര്ഷങ്ങള് നടത്താന് കഴിയുമോ എന്ന് ഇമ്രാന് നേരത്തെയും ശ്രമിച്ചിരുന്നു .അതൊന്നും ഫലവത്താകുന്നില്ല എന്നതും ഏറ്റവും ഒടുവില് അമേരിക്ക പാകിസ്ഥാന്റെ ഭീകരതയെ പരസ്യമായി എതിര്ത്തതും അവരുടെ പ്രാകൃത ചിന്തകളെ പ്രതിരോധത്തിലാകുന്നു .എന്തുവിലകൊടുത്തും ഭീകരവാദത്തെ തുടച്ചുനീക്കാന് ഏഷ്യയില്
മുന്നിരയില് ഇന്ത്യ കാണും എന്ന് വ്യക്തമായതോടെ മസൂദ് അസര് അടക്കമുള്ള ഭീകരരെ ഒളിപ്പിക്കുന്ന പാകിസ്താന് പിടിച്ചുനില്ക്കാന് വേറെ വഴിയില്ലാതായി .ചൈനയും മലേഷ്യയും തുര്ക്കിയുമല്ലാതെ മറ്റു രാജ്യങ്ങളൊന്നും തന്നെ പാകിസ്താനെ സഹായിക്കാന് മുതിരുന്നില്ല എന്നതാണ് അവരെ ഭ്രാന്ത് പിടിപ്പിക്കുന്നത്
കാശ്മീരില് ചോരക്കളം ഉണ്ടാക്കും എന്ന് കൊലവിളി നടത്തിയ ഇമ്രാന്റെ പൊതുസഭ പ്രസംഗമൊന്നും ഇന്ത്യയോ ലോകരാജ്യങ്ങളോ മറന്നിട്ടില്ല .ഇതിനു ഇന്ത്യ ചുട്ട മറുപടി കൊടുക്കുകയും ചെയ്തിരുന്നു .
ഇന്ത്യയ്ക്കെതിരെ അയല്രാജ്യങ്ങളെ തിരിക്കാനുള്ള പാകിസ്താന്റെ ശ്രമത്തിന് അങ്ങനെ വീണ്ടും തിരിച്ചടി വന്നിരിക്കുന്നു . ജമ്മു കശ്മീര് വിഷയത്തില് ബംഗ്ലാദേശിനെ ഇന്ത്യക്കെതിരെ തിരിക്കാനുള്ള പാകിസ്താന്റെ തന്ത്രം പാളി. പാകിസ്താന് പ്രധാനമന്ത്രി ഇമ്രാന് ഖാന് ബംഗ്ലാദേശ് പ്രധാനമന്ത്രി ഷെയ്ഖ് ഹസീനയുമായി നടത്തിയ ചര്ച്ചയിലാണ് പാക് തന്ത്രങ്ങളെ ബംഗ്ലാദേശ് അവഗണിച്ചത്. 15 മിനിട്ടോളം നേരമാണ് ഷെയ്ഖ് ഹസീനയുമായി ഇമ്രാന് ഖാന് ചര്ച്ച നടത്തിയത് .ഇതില് ഇമ്രാന് ഉദ്ദേശിച്ച കാര്യങ്ങളൊന്നും നടന്നില്ല .കൊറോണ വൈറസ് വ്യാപനത്തെ കുറിച്ചും മഹാമാരിയെ എങ്ങനെ നേരിടാമെന്നതിനെ കുറിച്ചും ഇരുവരും ചര്ച്ച ചെയ്തതായി ഔദ്യോഗിക വൃത്തങ്ങള് അറിയിച്ചു. ബംഗ്ലാദേശിലെ വെള്ളപ്പൊക്കത്തെ കുറിച്ചും ഇരുനേതാക്കളും സംസാരിച്ചു. കൂടിക്കാഴ്ച്ചക്ക് ശേഷം പ്രസ്താവന ഇറക്കിയപ്പോള് പാകിസ്താന് കശ്മീര് പരാമര്ശിച്ചു. എന്നാല് ബംഗ്ലാദേശ് പ്രസ്താവനയില് കശ്മീരിനെപ്പറ്റി ഒന്നും മിണ്ടിയില്ല എന്നുമാത്രമല്ല ചര്ച്ച പെട്ടെന്നവസാനിപ്പിക്കാന് അതൊരു കരണംകൂടിയാവുകയും ചെയ്തു .ഇരുവരും ചര്ച്ച ചെയ്ത വിഷയങ്ങളെ കുറിച്ച് പാകിസ്താന് വിദേശകാര്യ മന്ത്രാലയും ബംഗ്ലാദേശ് വിദേശ കാര്യ മന്ത്രാലയവും പ്രസ്താവനകള് പുറത്തിറക്കിയിട്ടുണ്ട്. ചര്ച്ച ചെയ്ത കാര്യങ്ങളെ കുറിച്ച് പാകിസ്താന് വിശദമായി പ്രസിദ്ധീകരിച്ചപ്പോള് ബംഗ്ലാദേശ് വിശദ വിവരങ്ങളൊന്നും പ്രസിദ്ധീകരിച്ചില്ല. പാക് പ്രധാനമന്ത്രിയുമായി നടത്തിയ ചര്ച്ചയ്ക്ക് ബംഗ്ലാദേശ് വലിയ പ്രാധാന്യം നല്കിയിട്ടില്ലെന്നാണ് ഇതില് നിന്നും വ്യക്തമാക്കുന്നത്.പാകിസ്താന് സന്ദര്ശനത്തിനായി ഷെയ്ഖ് ഹസിനയെ ക്ഷണിച്ചെങ്കിലും ക്ഷണം സ്വീകരിക്കാത്തതും ഇമ്രാന്റെ നെറികെട്ട നയങ്ങള്ക്കുള്ള തിരിച്ചടിയായാണ് നയതന്ത്ര വിദഗ്ദ്ധര് കണക്കാക്കുന്നത് .
https://www.facebook.com/Malayalivartha
