ഡോക്ഡൗണ് വേണ്ടന്ന് കേന്ദ്രം; വേണമെന്ന് സംസ്ഥാനങ്ങള്; ഇനി എല്ലാ പ്രതീക്ഷയും വാക്സിനില് മാത്രം; സംസ്ഥാനത്തെ സമ്പൂര്ണ ലോക്ഡൗണ് സാധ്യത എത്രമാത്രം?
കേരളത്തില് കോവിഡ് വ്യാപനം ശക്തമാകുകയും സമൂഹ്യ വ്യാപനത്തിന്റെ ഘട്ടത്തിലെത്തുകയും ചെയ്ത സാഹചര്യത്തില് സംസ്ഥാനത്ത് വീണ്ടും ലോക്ഡൗണ് കൊണ്ടുവരുന്നതിനെ സംബന്ധിച്ച് സര്ക്കാര് ആലോചിച്ചത്. ഇന്നു ചേര്ന്ന മന്ത്രിസഭാ യോഗത്തില് തീരുമാനമായിട്ടില്ല. എന്നാല് ലോക്ഡൗണ് നടപാക്കാനുള്ള സാധ്യത കുറവാണ്. കാരണം കേന്ദ്രസര്ക്കാരിന് വീണ്ടും ലോക്ഡൗണ് കൊണ്ടു വരുന്നതിനോട് താല്പര്യമില്ല. സാമൂഹിക അകലം പാലിച്ച് പോരാട്ടം തുടരണമെന്ന് പ്രധാനമന്ത്രി നരേന്ദ്ര മോദി വ്യക്തമാക്കി. കൊവിഡിനെ പ്രതിരോധിക്കാന് സാമൂഹിക അകലം പാലിക്കണം. മാസ്ക്ക് ധരിക്കണം, കൈകള് ശുചിയാക്കണം. ഇതു വഴി പോരാട്ടവുമായി മുന്നോട്ടു പോകണമെന്നുമാണ് പ്രധാനമന്ത്രി നരേന്ദ്രമോദിയുടെ ആഹ്വാനം.
രാജ്യത്ത് നിലവില് ചികിത്സയിലുള്ള രോഗികളില് മൂന്നിലൊന്നില് കൂടുതലും തെക്കേ ഇന്ത്യന് സംസ്ഥാനങ്ങളിലാണ്. മൂന്നിലൊന്ന് പേര് മഹാരാഷ്ട്രയിലാണുള്ളത്. സ്ഥിതി അതീവഗുരുതമാണെന്നിരിക്കെയാണ് സംസ്ഥാനങ്ങള് ലോക്ഡൗണിനെക്കുറിച്ച് ആലോചിക്കുന്നത്. മണിപ്പൂര് ലോക്ക്ഡൗണ് പ്രഖ്യാപിച്ചു. മധ്യപ്രദേശ് തലസ്ഥാനമായ ഭോപ്പാലില് ലോക്ക്ഡൗണ് ഏര്പ്പെടുത്തിക്കഴിഞ്ഞു. പശ്ചിമബംഗാളിലും ഉത്തര്പ്രദേശിലും ആഴ്ചയില് രണ്ടു ദിവസം ലോക്ക്ഡൗണാണ്. എന്നാല് ലോക്ക്ഡൗണിലേക്ക് മടങ്ങണം എന്ന നിര്ദ്ദേശത്തോട് തല്ക്കാലം കേന്ദ്രത്തിന് യോജിപ്പില്ല. കൊവിജ് വാക്സിന് നവംബറോടെ ആയിരം രൂപ നിരക്കില് ലഭ്യമാക്കാനാകും എന്ന സൂചനകളിലാണ് ഇനി എല്ലാ പ്രതീക്ഷയും.
അതെ സമയം കേരളത്തിലെ സമ്പൂര്ണ്ണ ലോക്ക്ഡൗണിനെ സംബന്ധിച്ച തിങ്കളാഴ്ച തീരുമാനമെടുക്കും. ഇപ്പോള് സമ്പൂര്ണ്ണ ലോക്ക്ഡൗണ് പ്രഖ്യാപിക്കേണ്ടതില്ല എന്നാണ് മന്ത്രിസഭയിലെ ഭൂരിപക്ഷം പേരുടേയും അഭിപ്രായം. നിലവിലെ സാഹചര്യങ്ങള് നേരിടാനുള്ള സംവിധാനങ്ങള് കേരളത്തിലുണ്ടെന്ന് മന്ത്രിമാര് അവകാശപ്പെട്ടു. സമ്പൂര്ണ്ണ ലോക്ക്ഡൗണ് വീണ്ടും പ്രഖ്യാപിക്കുമ്പോഴുണ്ടാകുന്ന പ്രായോഗികതയും വിശദമായി ചര്ച്ച ചെയ്യേണ്ടി വരുമെന്നും മന്ത്രിസഭാ അംഗങ്ങള് ചൂണ്ടിക്കാട്ടി. കോവിഡ് പ്രതിരോധവുമായി ബന്ധപ്പെട്ട് നാളെ വൈകുന്നേരമാണ് സര്വകക്ഷിയോഗം വിളിച്ചിരിക്കുന്നത്. ലോക്ക്ഡൗണ് അടക്കമുള്ള വിഷയങ്ങളും ഈ യോഗത്തില് ചര്ച്ചയാകും. ഇതുകൂടി പരിഗണിച്ചാകും തിങ്കളാഴ്ച ചേരുന്ന മന്ത്രിസഭാ യോഗത്തിന്റെ തീരുമാനം.
https://www.facebook.com/Malayalivartha