കശ്മീര്‍ വിഘടനവാദി നേതാവ് മസാറത് ആലമിനെ അറസ്റ്റ് ചെയ്തു. ശ്രീനഗറില്‍ നടന്ന റാലിയില്‍ പാക്കിസ്ഥാന്‍ അനുകൂല മുദ്രാവാക്യം മുഴക്കുകയും പാക്ക് പതാക വീശുകയും ചെയ്തതിനാണ് അറസ്റ്റ്. ആലമിനെതിരെ നടപടിയെടുക്കാന്‍ കേന്ദ്രസര്‍ക്കാര്‍ ജമ്മു കശ്മീര്‍ സര്‍ക്കാരിനോട് ആവശ്യപ്പെട്ടിരുന്നു.
സൈനിക നടപടിയില്‍ രണ്ടു യുവാക്കള്‍ കൊല്ലപ്പെട്ട പുല്‍വാമ ജില്ലയിലെ ത്രാളില്‍ ഇന്നു റാലി നടത്താനിരിക്കെ മസാറത് ആലമിനെയും ഹുറിയത് കോണ്‍ഫറന്‍സ് ചെയര്‍മാന്‍ സയിദ് അലി ഷാ ഗീലാനിയെയും ഇന്നലെ വീട്ടുതടങ്കലിലാക്കിയിരുന്നു. കരുതല്‍ നടപടിയുടെ ഭാഗമായിട്ടാണ് ഇരുവരയെും വീട്ടുതടങ്കലില്‍ ആക്കിയതെന്നായിരുന്നു പൊലീസിന്റെ വിശദീകരണം. ഇതിനു പിന്നാലെയാണ് ഇന്നു അറസ്റ്റ് ചെയ്തത്.
മാസങ്ങളായുള്ള ഡല്‍ഹിവാസത്തിനു ശേഷം ശ്രീനഗറില്‍ മടങ്ങിയെത്തിയ ഹുറിയത്ത് കോണ്‍ഫറന്‍സ് നേതാവ് സയിദ് അലി ഷാ ഗീലാനിയെ സ്വീകരിക്കാനാണ് ബുധനാഴ്ച ശ്രീനഗറില്‍ റാലി നടത്തിയത്. 2010-നുശേഷം ആദ്യമായിട്ടാണ് ഗീലാനി ഒരു പൊതു റാലിയില്‍ പങ്കെടുക്കുന്നത്. റാലിയില്‍ പാക്കിസ്ഥാന്‍ പതാക ഉപയോഗിച്ചതിനും പാക്ക് അനുകൂല മുദ്രാവാക്യം വിളിച്ചതിനും ഗീലാനിക്കും ആലമിനുമെതിരെ പൊലീസ് കേസെടുത്തിരുന്നു.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha