കോവാക്സിന്: മനുഷ്യരിലെ രണ്ടാം ഘട്ട പരീക്ഷണത്തിന്റെ തുടക്കമായി 6 പേര്ക്ക് ശനിയാഴ്ച വാക്സിന് നല്കി
റോത്തക്കിലെ പിജി ഇന്സ്റ്റിറ്റ്യൂട്ട് ഓഫ് മെഡിക്കല് സയന്സ് അധികൃതര് കോവിഡ് ചെറുക്കാനുള്ള കോവാക്സിന്റെ മനുഷ്യരിലുള്ള ഒന്നാംഘട്ട പരീക്ഷണം പൂര്ത്തിയായതായി അറിയിച്ചു. ആദ്യ ഘട്ടത്തില് രാജ്യത്തിന്റെ വിവിധ ഭാഗങ്ങളില് നിന്നുള്ള 50 പേരിലാണ് വാക്സിന് പരീക്ഷിച്ചത്. ഫലങ്ങള് പ്രതീക്ഷ നല്കുന്നതാണ്.
6 പേര്ക്ക് രണ്ടാം ഘട്ട പരീക്ഷണത്തിന്റെ തുടക്കമായി ശനിയാഴ്ച വാക്സിന് നല്കിയതായി പ്രിന്സിപ്പല് ഇന്വെസ്റ്റിഗേറ്റര് ഡോ. സവിത വര്മ വെളിപ്പെടുത്തി. മനുഷ്യരിലുള്ള പരീക്ഷണം റോത്തക്കില് ആരംഭിച്ചത് ജൂലൈ 17-നാണ്.എയിംസിലും പരീക്ഷണങ്ങള് നടക്കുന്നുണ്ട്.
ഇതിനിടെ, കോവിഡ് ഗുരുതരാവസ്ഥയിലുള്ളവര്ക്ക് സോറിയാസിസിനും മറ്റും ഉപയോഗിക്കുന്ന ഇറ്റോലിസുമാബ് മരുന്നു നല്കുന്നത് ആരോഗ്യമന്ത്രാലയത്തിന്റെ കോവിഡ് 19 ടാസ്ക് ഫോഴ്സ് തടഞ്ഞു. ഈ മരുന്ന് ഗുരുതരമായ ശ്വാസതടസ്സമുളളവര്ക്ക് അടിയന്തര ഘട്ടത്തില് നിയന്ത്രിതമായി ഉപയോഗിക്കാന് നേരത്തേ ഡ്രഗ് കണ്ട്രോളറുടെ അനുമതിയുണ്ടായിരുന്നു.
എന്നാല് കോവിഡ് ചികിത്സാ പ്രോട്ടോക്കോളില് അനുകൂല തെളിവുകളൊന്നും ലഭിക്കാത്തതിനാല് മരുന്നു വിലക്കാന് തീരുമാനിക്കുകയായിരുന്നുവെന്ന് ഔദ്യോഗിക വൃത്തങ്ങള് പറഞ്ഞു.
https://www.facebook.com/Malayalivartha
