ഭാവിയില് തര്ക്കമുണ്ടാകരുത്; അയോധ്യയില് 2000 അടി അഴത്തില് ചരിത്രവസ്തുതകള് രേഖപ്പെടുത്തിയ പേടകം സ്ഥാപിക്കും; തീരുമാനം രാം ജ്നഭൂമി തീര്ഥ് ക്ഷേത്ര ട്രസ്റ്റിന്റെത്; ഭൂമി പൂജ ഓഗസ്റ്റ് അഞ്ചിന്
നിരവധി തര്ക്കങ്ങള്ക്കും നീണ്ടക്കാലത്തെ കോടതി വ്യവഹാരത്തിനും ശേഷമാണ് രാമ ജന്മഭൂമിയായ അയോധ്യയില് ശ്രീരാമ ക്ഷേത്രം നിര്മിക്കാന് ഒരുങ്ങുന്നത്. രാമന്റെ ജന്മസ്ഥലത്ത് മുകള് ഭരണക്കാലത്ത് മസ്ജിദ് പണിയുകയും ബി.ജെ.പി നേതാവ് എല്.കെ അദ്വാനിയുടെ രഥയാത്രയുടെ ഫലമായി മസ്ജിദ് തര്ക്കപ്പെടുകയും അതിന്റെ ഫലമായി ഇന്ത്യയില് നിരവധി ഹിന്ദു- മുസഌം ലഹളകളും നടന്നിരുന്നു. അവസാനം സുപ്രീം കോടതി ഇടപെട്ട് ഭൂമി വീതം വയ്പ്പിലൂടെ പ്രശ്നത്തിന് പരിഹാരം കണ്ടെത്തുകയായിരുന്നു. അങ്ങനെ വര്ഷങ്ങള് നീണ്ട സംഘര്ഷങ്ങള്ക്ക് അയോധ്യയില് അയവ് വരുകയും രാമ ജന്മഭൂമിയില് രാമക്ഷേത്രത്തിന്റെ നിര്മാണം ആരംഭിക്കുകയുമാണ്. മുന് കാലത്തെ സാഹചര്യങ്ങള് ഓര്മ്മയുള്ളതുകൊണ്ടാകണം ഭാവിയില് രാജ ജന്മഭൂമി വിവാദങ്ങളില് പെടാതിരിക്കാന് ഇത്തരമൊരു നടപടി രാം ജന്മഭൂമി തീര്ഥ് ക്ഷേത്ര ട്രസ്റ്റ് സ്വീകരിച്ചത്. തര്ക്കങ്ങള് ഉണ്ടാകാതിരിക്കാന് ക്ഷേത്രവുമായും ഭൂമിയുമായും ബന്ധപ്പെട്ട ചരിത്രവസ്തുതകള് രേഖപ്പെടുത്തിയ പേടകം പുതിയ ക്ഷേത്രത്തിനടിയില് നിക്ഷേപിക്കും. പുതിയതായി ക്ഷേത്രം നിര്മിക്കുന്ന സ്ഥലത്ത് 2000 അടി താഴെയാകും ഈ ഫലകം സ്ഥാപിക്കുക. ക്ഷേത്രനിര്മാണത്തിന്റെ ചുമതലയിലുള്ള രാം ജന്മഭൂമി തീര്ഥ് ക്ഷേത്ര ട്രസ്റ്റാണ് ഇക്കാര്യം അറിയിച്ചത്.
ഭാവിയില് എന്തെങ്കിലും തര്ക്കങ്ങള് ഉണ്ടായാല് ക്ഷേത്രത്തേപ്പറ്റിയുള്ള ചരിത്ര വസ്തുതകള് അറിയാന് ഇത് പുറത്തെടുക്കുന്നതിലൂടെ ഉപകരിക്കുമെന്നും ട്രസ്റ്റ് അംഗം കാമേശ്വര് ചൗപല് പറയുന്നു. ചെമ്പില് നിര്മിച്ച പേടകത്തിനകത്തായിരിക്കും ഈ വിവരങ്ങള് രേഖപ്പെടുത്തിയിട്ടുണ്ടാവുകയെന്നും അദ്ദേഹം പറഞ്ഞു. രാം ജന്മഭൂമി പോരാട്ടം സുപ്രീം കോടതിയിലുള്പ്പെടെ വളരെക്കാലം നീണ്ടുനിന്നതാണ്. ഇക്കാര്യം ഇപ്പോഴത്തെ തലമുറയിലുള്ളവര്ക്കും വരുന്ന തലമുറയിലുള്ളവര്ക്കും ഒരു പാഠമാണ്. ക്ഷേത്രത്തേപ്പറ്റിയുള്ള ഓരോ കാലത്തെയും വിവരങ്ങള് പ്രത്യേക പേടകത്തില് വെച്ച് ക്ഷേത്രം നിര്മിക്കുന്ന ഭൂമിക്ക് 2000 അടി താഴെ സ്ഥാപിക്കും. രാജ്യത്തെ വിവിധ പൂണ്യസ്ഥലങ്ങളില് നിന്നുള്ള മണ്ണും പുണ്യനദികളില് നിന്നുള്ള ജലവും ക്ഷേത്രനിര്മാണത്തിന് മുന്നോടിയായുള്ള ഭൂമിപൂജയ്ക്കായി അയോധ്യയിലെത്തിക്കുമെന്നും കാമേശ്വര് ചൗപല് പറഞ്ഞു. ആ നദികളിലെ ജലം അഭിഷേകത്തിന് ഉപയോഗിക്കും.
ഭൂമിപൂജ ഓഗസ്റ്റ് അഞ്ചിന് പ്രധാനമന്ത്രി നരേന്ദ്ര മോദി നിര്വഹിക്കും. രാമന് സന്ദര്ശിച്ച പൗരാണിക ഭാരതത്തിലെ പ്രദേശങ്ങളെന്ന് കരുതുന്ന സ്ഥലങ്ങളില് നിന്നുള്ള മണ്ണും ജലവുമാണ് അയോധ്യയിലെത്തിക്കുക. 40 കിലോ വെള്ളി കല്ലുകളാണ് തറകല്ലിടാന് ഉപയോഗിക്കുക. 200 പേര്ക്കാണ് ചടങ്ങുകളില് പ്രവേശനമുള്ളത്. ചടങ്ങ് ദുരദര്ശന് ലൈവായി കാണിക്കും. എല്ലാ മുന്നൊരുക്കളും അയോധ്യയില് പൂര്ത്തിയായി. മുഖ്യമന്ത്രി യോഗി ആദിത്യനാഥ് നേരത്തെ തന്നെ അയോധ്യ സന്ദര്ശിച്ച് ഒരുക്കങ്ങള് വിലയിരുത്തിയിരുന്നു.
https://www.facebook.com/Malayalivartha
