രാജ്യത്ത് കോവിഡ് രോഗികളുടെ എണ്ണം 15 ലക്ഷം കടന്നു. അമേരിക്കയും ബ്രസീലും കഴിഞ്ഞാല്‍ ഏറ്റവും അധികം കോവിഡ് രോഗികളുള്ളത് ഇന്ത്യയിലാണ്. ഇന്ത്യയില്‍ മരണം 34,000 പിന്നിട്ടു. രാജ്യത്ത് പത്തു ലക്ഷത്തിനടുത്ത് പേര്‍ രോഗമുക്തി നേടിയത് ആശ്വാസമാണ്. മഹാരാഷ്ട്രയിലാണ് ഏറ്റവും അധികം രോഗികള്‍. തമിഴ്‌നാട്ടില്‍ 2.27 ലക്ഷം പേരാണ് പോസിറ്റീവ് ആയത്. ഡല്‍ഹി, ആന്ധ്രപ്രദേശ്, കര്‍ണാടക എന്നിവിടങ്ങളിലും ലക്ഷത്തിലധികം രോഗികളുണ്ട്.മഹാരാഷ്ട്രയില്‍ ഇന്നലെ 7,717 പേര്‍ക്കുകൂടി കോവിഡ് സ്ഥിരീകരിച്ചു.

സംസ്ഥാനത്ത് ഇതുവരെ രോഗബാധ സ്ഥിരീകരിച്ചവരുടെ എണ്ണം ഇതോടെ 3,91,440 ആയി. 282 പേര്‍കൂടി ഇന്നലെ മരിച്ചതോടെ ആകെ മരണം 14,165 ആയി. 3.62 ശതമാനമാണ് നിലവില്‍ സംസ്ഥാനത്തെ മരണ നിരക്ക്. തമിഴ്നാട്ടില്‍ ഇന്നലെ 6,972 പേര്‍ക്കാണ് കോവിഡ് സ്ഥിരീകരിച്ചിട്ടുള്ളത്. 88 പേര്‍ ഇന്നലെ മരിക്കുകയും ചെയ്തു. ഇതോടെ സംസ്ഥാനത്ത് ഇതുവരെ കോവിഡ് സ്ഥിരീകരിച്ചവരുടെ എണ്ണം 2,27,688 ആയി. 1,66,956 പേര്‍ ഇതുവരെ രോഗമുക്തി നേടി ആശുപത്രിവിട്ടിട്ടുണ്ട്. 57,073 ആണ് നിലവില്‍ സംസ്ഥാനത്തെ ആക്ടീവ് കേസുകള്‍. ആകെ മരണം 3659 ആയി.

കര്‍ണാടകയില്‍ 5536 പേര്‍ക്കാണ് ഇന്നലെ വൈറസ് ബാധ സ്ഥിരീകരിച്ചിട്ടുള്ളത്. 102 മരണങ്ങള്‍ റിപ്പോര്‍ട്ടു ചെയ്തു. ഇതോടെ കര്‍ണാടകയില്‍ ഇതുവരെ വൈറസ് ബാധ സ്ഥിരീകരിച്ചവരുടെ എണ്ണം 1,07,001 ആയി. 2055 പേര്‍ ഇതുവരെ കോവിഡ് ബാധിച്ച് മരിച്ചു. 64434 ആണ് നിലവില്‍ സംസ്ഥാനത്തെ ആക്ടീവ് കേസുകള്‍.