കൊവിഡ് 19 മഹാമാരിയെ കീഴടക്കി മുന്നേറുന്ന ഒരുപാട് പേരുടെ ജീവിതം നമുക്ക് മുന്നിൽ വരുന്നുണ്ട്. ആശുപത്രിയിൽ നിന്നും കോവിഡിനെ തോൽപ്പിച്ച് വീട്ടിലേക്ക് മടങ്ങുന്ന നിരവധി ആൾക്കാർ ഉണ്ട്. അവരെ പാട്ടുപാടിയും മറ്റും തിരിച്ച് വീട്ടിലേക്ക് സ്വീകരിക്കുന്ന കാഴ്ച്ച നാം കണ്ടു. ബെംഗളൂരുവിലെ തുമക്കുരുവിൽ ഭാര്യയെ ഭർത്താവ് സ്വീകരിച്ച കാഴ്ച്ച ഇപ്പോൾ പുതുമ നൽകുന്നു.

കൊറോണയെ ചെറുത്തുതോല്‍പ്പിച്ച്‌ വീട്ടില്‍ തിരിച്ചെത്തിയ നഴ്സായ ഭാര്യയ്ക്ക് ​ഗംഭീര സ്വീകരണമൊരുക്കി ഭര്‍ത്താവ്. ബെംഗളൂരുവിലെ തുമക്കുരുവിലാണ് സംഭവം. പ്രൗഢമായ റെഡ് കാര്‍പ്പറ്റ് വരവേല്‍പ്പാണ് ഭാര്യയ്ക്കായി ഒരുക്കിയത്. ഇവന്റ് മാനേജറായ രാമചന്ദ്ര റാവു ആണ് ഇത് സജ്ജീകരിച്ചത്. രാമചന്ദ്ര റാവുവിന്റെ ഭാര്യ കലാവതിക്ക് കൊവിഡ് സ്ഥിരീകരിച്ചതോടെ വീട്ടില്‍ നിന്ന് മാറിനില്‍ക്കേണ്ടി വന്നു. ഇതേ തുടര്‍ന്ന് അയല്‍ക്കാര്‍ ശത്രുതയോടെ പെരുമാറാന്‍ തുടങ്ങിയെന്ന് റാവു പറയുന്നു.