രാജസ്ഥാനില് പുതിയ റോഡുകള്ക്ക് പരീക്ഷകളില് ഉന്നത വിജയം നേടിയ പെണ്കുട്ടികളുടെ പേരുകള് നല്കുന്നു
രാജസ്ഥാനിലെ നാഗോര് ജില്ലാ ഭരണാധികാരികള് പുതിയതായി നിര്മിച്ച, അറ്റകുറ്റ പണികള് കഴിഞ്ഞ റോഡുകള്ക്ക് പരീക്ഷകളില് ഉന്നത വിജയം നേടിയ പെണ്കുട്ടികളുടെ പേര് നല്കി അധികൃതര് മാതൃകയാകുന്നു. പെണ്കുട്ടികളെ വിദ്യാഭ്യാസ രംഗത്ത് കൂടുതല് പ്രോത്സാഹിപ്പിക്കുക എന്ന ലക്ഷ്യത്തോടു കൂടിയാണ് ഇത്തരത്തില് അധികൃതര് ചെയ്തത്.
രാസ്താ ഖോലോ അഭിയാന് എന്ന പദ്ധതിക്ക് കീഴിലാണ് ഇത് നടപ്പിലാക്കുന്നത്. പത്താം ക്ലാസ് പരീക്ഷയില് ഉന്നത വിജയം നേടിയ ദിവ്യ ശര്മ, ഖുശ്ബു റാത്തോഡ്, ഗസല് ബത്തേസര്, പൂജ ചൗധരി, കോമള് പ്രജാപത് തുടങ്ങിയ പെണ്കുട്ടികളുടെ പേരുകളാണ് ഗ്രാമങ്ങളിലെ റോഡുകള്ക്ക് ഇട്ടിരിക്കുന്നത്.
ഗൗരവ് പാത്ത് എന്ന റോഡിന്റെ പേര് മാറ്റി ദിവ്യയുടെ പേര് നല്കിയെന്ന വിവരം അധികൃതര് വിളിച്ചറിയിച്ചപ്പോള് വലിയ അമ്പരപ്പുണ്ടായതായി ദിവ്യയുടെ കുടുംബം പറയുന്നു. സംസ്ഥാന ഹോക്കി താരവും 10-ാം ക്ലാസില് 97 ശതമാനം മാര്ക്കോടെ ഉന്നത വിജയവും നേടിയ വിദ്യാര്ത്ഥിനിയാണ് ദിവ്യ ശര്മ. തന്റെ മകള്ക്ക് മാത്രമല്ല മറ്റെല്ലാം പെണ്കുട്ടികള്ക്കും ഈ നീക്കം വലിയ പ്രചോദനമാണ് ഇത്തരം ശ്രമത്തിലൂടെ ലഭിക്കുന്നതെന്ന് ദിവ്യയുടെ അച്ഛന് രഘുനന്ദന് ശര്മ വ്യക്തമാക്കി.
ജില്ലയില് ഇത്തരത്തില് അഞ്ഞൂറോളം റോഡുകളാണ് അറ്റകുറ്റപ്പണികള് കഴിഞ്ഞ് തുറന്നു കൊടുക്കാനുള്ളത്. പരീക്ഷയില് മികച്ച വിജയം നേടിയ പെണ്കുട്ടികളുടെ പേരിലുള്ള 38 റോഡുകള് ഇതിനോടകം തുറന്നു കൊടുത്തു കഴിഞ്ഞു. പെണ്കുട്ടികള്ക്ക് വിദ്യാഭ്യാസം നല്കേണ്ടതിന്റെ പ്രാധാന്യമാണ് നാഗോര് ജില്ലാ ഭരണാധികാരികള് ഇത്തരമൊരു ശ്രമത്തിലൂടെ മുന്നോട്ട് വെയ്ക്കുന്നത്.
https://www.facebook.com/Malayalivartha
