ഭര്ത്തൃവീട്ടുകാരില്നിന്നുള്ള ലൈംഗികപീഡനം സഹിക്കാന് കഴിയാതെ വിവാഹമോചിതയായി! ലഹരിവസ്തുക്കള് നല്കിയും പീഡനദൃശ്യങ്ങളടക്കം പകര്ത്തിയ വീഡിയോ പുറത്തുവിടുമെന്ന് ഭീക്ഷണിപ്പെടുത്തി ക്രൂരമായ പീഡനം! 10 വര്ഷം കൊണ്ട് പീഡിപ്പിച്ചത് 139 പേര്! രാഷ്ട്രീയ, സിനിമാ, വ്യവസായ മേഖലയില്നിന്ന് ഉള്പ്പെടെയുള്ള വമ്പന്മാരും മാധ്യമപ്രവര്ത്തകരും യുവതിയെ പീഡനത്തിനിരയാക്കിയത് 5,000 തവണ... 25കാരിയുടെ നടുങ്ങുന്ന വെളിപ്പെടുത്തൽ..
പത്തു വര്ഷത്തിനിടെ 139 പേര് ചേര്ന്ന് അയ്യായിരത്തിലേറെത്തവണ ലൈംഗികമായി പീഡിപ്പിച്ചെന്ന പരാതിയുമായി യുവതി. പീഡിപ്പിച്ചവരില് രാഷ്ട്രീയ, സിനിമാ, വ്യവസായ മേഖലയില്നിന്നുള്പ്പെടെയുള്ള വമ്പന്മാര്. ഹൈദരാബാദിനു സമീപം പഞ്ചഗുട്ട പോലീസ് സ്റ്റേഷനിലാണ് 25 വയസുകാരിയായ യുവതി പരാതിയുമായെത്തിയത്.
ഇതില് കഴമ്പുണ്ടെന്നു ബോധ്യപ്പെട്ടു പോലീസ് കേസ് രജിസ്റ്റര് ചെയ്ത് എഫ്.ഐ.ആര്. തയാറാക്കി. 2009 ജൂണില് വിവാഹാനന്തരമാണു പിന്നാക്കവിഭാഗത്തില്പ്പെട്ട യുവതിയുടെ പീഡനപര്വം തുടങ്ങുന്നത്. ഭര്ത്തൃവീട്ടുകാരില്നിന്നുള്ള ലൈംഗികപീഡനം സഹിക്കാന് കഴിയാതെ 2010 ഡിസംബറില് വിവാഹമോചിതയായി സ്വന്തം വീട്ടിലെത്തി പഠനം തുടര്ന്നു.
ബിരുദധാരിയായി പഠനം അവസാനിപ്പിച്ചതിനുശേഷവും ദുരിതത്തിന് അവസാനമായില്ല. ലഹരിവസ്തുക്കള് നല്കിയും പീഡനദൃശ്യങ്ങളടക്കം പകര്ത്തിയ വീഡിയോ പുറത്തുവിടുമെന്നും വധിക്കുമെന്നും ഭീഷണിപ്പെടുത്തിയായിരുന്നു തുടര്പീഡനങ്ങള്. ഇതിനിടെ പലവട്ടം ഗര്ഭഛിദ്രത്തിനും വിധേയയായി.
യുവതിയുടെ ശരീരത്തില് പലയിടങ്ങളിലും സിഗരറ്റ് അടക്കമുള്ളവ ഉപയോഗിച്ചു പൊള്ളലേല്പ്പിച്ച പാടുകളുമുണ്ടായിരുന്നു. വിവരം പുറത്തുപറഞ്ഞാല് ആസിഡൊഴിക്കുമെന്നും പെട്രോളൊഴിച്ചു കത്തിക്കുമെന്നുമായിരുന്നു ഭീഷണിയെന്നും യുവതിയുടെ പരാതിയിലുണ്ട്. ഭീഷണി ഭയന്നാണ് ഇത്രയും കാലം പരാതിപ്പെടാതിരുന്നതെന്നും ഒരു സന്നദ്ധസംഘടന വാഗ്ദാനം ചെയ്ത ധാര്മിക പിന്തുണയിലാണ് ഇപ്പോള് അതിനുള്ള ധൈര്യം ലഭിച്ചതെന്നും യുവതി പറഞ്ഞു. മജിസ്ട്രേറ്റിനു നല്കിയ മൊഴിയില് പീഡിപ്പിച്ചവരുടെ പേരുവിവരങ്ങള് യുവതി വെളിപ്പെടുത്തിയെന്നാണു സൂചന.
തെലുങ്ക് സിനിമാ രംഗത്തെ പ്രമുഖര്, അഭിഭാഷകര്, രാഷ്ട്രീയക്കാര്, മാധ്യമപ്രവര്ത്തകര് തുടങ്ങിയവര് പ്രതിപ്പട്ടികയിലുണ്ടെന്നും വിവരമുണ്ട്.
https://www.facebook.com/Malayalivartha
