ആർബിഐ ഗവർണർ ശക്തി കാന്ത് ദാസ് ഈ അടുത്ത കാലത്തായി വളരെ ശക്തമായ അഭിപ്രായങ്ങളാണ് ഇന്ത്യൻ സമ്പദ് വ്യവസ്ഥയെ കുറിച്ചും ഇന്ത്യൻ ബാങ്കിങ് മേഖലയെ കുറിച്ചും വ്യക്തമാക്കുന്നത്. ബാങ്കുകളുടെ അടിസ്ഥാന നില മറന്നുകൊണ്ട് ബാങ്കുകൾ പ്രവർത്തിക്കരുത് എന്ന മുന്നറിയിപ്പ് നൽകുന്നു. ബാങ്കുകളുടെ അടിസ്ഥാന ധർമം ആളുകളിൽ നിന്നും നിക്ഷേപങ്ങൾ സ്വീകരിക്കുക എന്നുള്ളത്തിനൊപ്പം തന്നെ ആ നിക്ഷേപം രാജ്യത്തിന്റെയും ജനങ്ങളുടേയും വികസനത്തിന് ആവശ്യമായ കടം കൊടുക്കുന്നതിലാണ്.

കടം കൊടുക്കുന്നതിനായാണ് ബാങ്കുകൾ സൃഷ്ടിക്കപ്പെട്ടിട്ടുള്ളത്. അങ്ങനെയുള്ള ബാങ്കുകൾ ഭയാശങ്കകളോടുകൂടെ കടം കൊടുക്കുന്നതിൽ നിന്നും മാറിനിൽക്കുന്ന പ്രവണതയാണ് ഇന്ന് കാണാൻ സാധിക്കുന്നത്. റിസേർവ് ബാങ്ക് വളരെ ഉദാരമായ സമീപനമാണ് ഈ അടുത്ത കാലത്ത് സ്വീകരിച്ച് കാണുന്നത്. പലിശ നിരക്കിൽ വലിയ ഇളവുകൾ പ്രഖ്യാപിച്ചു. പണം ആവശ്യമായ ബാങ്കുകൾക്ക് പലിശ കുറവിൽ പണം നൽകുന്നത്തിനും റിസേർവ് ബാങ്ക് ഊന്നൽ നൽകി.

പക്ഷെ സംഭവിക്കുന്നത്, ജനങ്ങളിൽ നിന്നും കുറഞ്ഞ പലിശക്ക് പണം നിക്ഷേപമായി സ്വീകരിച്ച് ആ പണം റിസേർവ് ബാങ്കിൽ കൊണ്ടുപോയി സൂക്ഷിക്കുന്ന രീതിയാണ് ബാങ്കുകൾ ഈ അടുത്ത കാലത്തായി തുടർന്നുപോകുന്നത്.

കൂടുതൽ അറിയാൻ വീഡിയോ കാണൂ ....