പ്രതീക്ഷ നല്‍കുന്ന വാര്‍ത്ത ഇങ്ങനെ; രാജ്യത്ത് 30 വാക്‌സിനുകള്‍ വികസിപ്പിക്കുന്നു; മൂന്നെണ്ണം അവസാനഘട്ടത്തില്‍; ജനുവരിയില്‍ രാജ്യത്ത് വാക്‌സില്‍ ലഭ്യമാക്കും; പാര്‍ലമെന്റിനെ അറിയിച്ച് കേന്ദ്ര സര്‍ക്കാര്‍
രാജ്യത്ത് 30 കൊവിഡ് വാക്‌സിനുകളാണ് ഗവേഷണ ഘട്ടത്തിലുള്ളതെന്നും അതില്‍ മൂന്നെണ്ണം ഗവേഷണത്തില്‍ വളരെ മുന്നിലെത്തിയെന്നും ആരോഗ്യമന്ത്രാലയം വ്യക്തമാക്കി. അടുത്ത വര്‍ഷം ആരംഭത്തോടെ രാജ്യത്ത് കൊവിഡ് 19 വാക്സിന് ലഭ്യമാകാന്‍ സാധ്യതയുണ്ടെന്ന് കേന്ദ്ര ആരോഗ്യമന്ത്രാലയം പാര്‍ലമെന്റിനെ അറിയിച്ച് ഒരു ദിവസത്തിനു ശേഷം രാജ്യത്തെ വാക്സിന് ഗവേഷണത്തിന്റെ കൂടുതല്‍ വിശദാംശങ്ങള്‍ പുറത്തു വിട്ട് കേന്ദ്രസര്‍ക്കാര്‍. ഐസിഎംആര്‍ നാഷണല്‍ വൈറോളജി ഇന്‍സ്റ്റിറ്റിയൂട്ട് സഹകരണത്തോടെ ഇന്ത്യന്‍ വാക്സിന് നിര്‍മാതാവായ ഭാരത് ബയോടെക് വികസിപ്പിക്കുന്ന വോള്‍ വൈറന്‍ പരീക്ഷണ വാക്സിന്, കാഡില ഹെല്‍ത്ത്‌കെയര്‍ വികസിപ്പിച്ച ഡിഎന്‍എ വാക്സിന്, സിറം ഇന്‍സ്റ്റിറ്റിയൂട്ട് ഓഫ് ഇന്ത്യയുടെ നേതൃത്വത്തില്‍ ഇന്ത്യയില്‍ പരീക്ഷണങ്ങള്‍ നടത്തുന്ന ഓക്‌സ്ഫഡ് വാക്സിന് എന്നിവയാണ് ഗവേഷണത്തില്‍ മുന്നിലുള്ളത്. സിറം ഇന്‍സ്റ്റിറ്റിയൂട്ട് ഓഫ് ഇന്ത്യയും ഐസിഎംആറും ചേര്‍ന്ന് രണ്ട് വിദേശ വാക്‌സിനുകള്‍ ഇന്ത്യയില്‍ ക്ലിനിക്കല്‍ പരീക്ഷണം നടത്തുന്നുണ്ടെന്നും കേന്ദ്ര മന്ത്രാലയം ലോക്‌സഭയെ അറിയിച്ചു.
ഭാരത് ബയോടെക് വികസിപ്പിക്കുന്ന വാക്‌സിന്റെ സുരക്ഷയും ഫലപ്രാപ്തിയും എലികളിലും ഹാംസ്റ്ററുകളിലും മുയലുകളിലും പരീക്ഷിച്ചതായി കേന്ദ്രമന്ത്രാലയം അറിയിച്ചു. ഇത്തരത്തില്‍ വാക്‌സിന്റെ സുരക്ഷ വളരെ മികച്ചതാണെന്നു തെളിഞ്ഞു. വാക്സിന് ശരീരത്തിലുണ്ടാക്കിയ രോഗപ്രതിരോധശേഷിയെപ്പറ്റിയുള്ള പഠനം പരോഗമിക്കുകയാണെന്നും പ്രസ്താവനയില്‍ പറയുന്നു. വാക്‌സിന്റെ രണ്ടാം ഘട്ട ക്ലിനിക്കല്‍ പരീക്ഷണം പുരോഗമിക്കുകയാണ്. കാഡില ഹെല്‍ത്ത്‌കെയര്‍ നിര്‍മിച്ച വാക്സിന് മൃഗങ്ങളില്‍ പരീക്ഷിച്ചെന്നും ഫലപ്രാപ്തിയും സുരക്ഷയു തെളിയിക്കപ്പെട്ടെന്നും പ്രസ്താവനയില്‍ വ്യക്തമാക്കിയിട്ടുണ്ട്. വാക്‌സിന്റെ ഒന്നാം ഘട്ട ക്ലിനിക്കല്‍ പരീക്ഷണം പൂര്‍ത്തിയാക്കി. മികച്ച സുരക്ഷയുണ്ടായെന്ന് വ്യക്തമായെങ്കിലും രോഗപ്രതിരോധശേഷിയുണ്ടാക്കാനുള്ള കഴിവ് പഠിച്ചു വരുന്നതേയുള്ളൂ. വാക്‌സിന്റെ രണ്ടാം ഘട്ട പരീക്ഷണം നടക്കുകയാണ്.
രണ്ട് ആഗോള വാക്‌സിനുകളുടെ പരീക്ഷണമാണ് സിറം ഇന്‍സ്റ്റിറ്റിയൂട്ട് ഓഫ് ഇന്ത്യയും ഐസിഎംആറും ചേര്‍ന്ന് നടത്തുന്നത്. ബ്രസീലിലടക്കം മൂന്നാം ഘട്ട ക്ലിനിക്കല്‍ പരീക്ഷണം നടത്തുന്ന ഓക്‌സ്ഫഡ് വാക്‌സിന്റെ രണ്ട്, മൂന്ന് ഘട്ട പരീക്ഷണങ്ങളാണ് ഇന്ത്യയില്‍ ഐസിഎംആറിന്റെ സഹകരണത്തോടെ 14 കേന്ദ്രങ്ങളില്‍ നടത്തുന്നത്. കൂടാതെ യുഎസിലെ നോവോവാക്‌സ് വികസിപ്പിച്ച 'ഗ്ലൈറോപ്രോട്ടീന്‍ സബ് യൂണിറ്റ് നാനോപാര്‍ട്ടികകിള്‍ അഡ്ജൂവനേറ്റഡ് വാക്‌സിന്റെ' ഉത്പാദനത്തിനായി എസ്‌ഐഐയും ഐസിഎംആറും തമ്മില്‍ സഹകരണമുണ്ടെന്നും കേന്ദ്രമന്ത്രാലയം പ്രസ്താവനയില്‍ അറിയിച്ചു. വാക്സിന് എസ്‌ഐഐ നിര്‍മിച്ച ശേഷം ഒക്ടോബര്‍ പകുതിയോടെയായിരിക്കും പരീക്ഷണം ആരംഭിക്കുകയെന്നും മന്ത്രാലയം അറിയിച്ചു.
https://www.facebook.com/Malayalivartha
