നടി രാകുല് പ്രീത് സിംഗിനെ ചോദ്യം ചെയ്തു
മയക്കുമരുന്ന് കേസുമായി ബന്ധപ്പെട്ട് ബോളിവുഡ് നടി രാകുല് പ്രീത് സിംഗിനെ ചോദ്യം ചെയ്തു. മുംബൈയിലെ ഓഫീസില് നാല് മണിക്കൂറാണ് നടിയെ എന്സിബി ചോദ്യം ചെയ്തത്.
രാകുല് പ്രീത് സിംഗിന്റെ മൊഴി രേഖപ്പെടുത്തിയെന്നും ഇത് പരിശോധിച്ച ശേഷം കോടതിയില് സമര്പ്പിക്കുമെന്നും എന്സിബി ഡയറക്ടര് ജനറല് മുത്ത അശോക് ജെയ്ന് അറിയിച്ചു. നടി ദീപിക പദുക്കോണിനെ എന്സിബി ശനിയാഴ്ച ചോദ്യം ചെയ്യും. ദീപികയുടെ മാനേജര് കരിഷ്മ പ്രകാശിനെ ഇന്ന് ചോദ്യം ചെയ്തിരുന്നു. കരിഷ്മയെ ശനിയാഴ്ചയും ചോദ്യം ചെയ്യലിനു വിളിപ്പിച്ചിട്ടുണ്ട്. രാകുല് പ്രീത് സിംഗിനെ ചോദ്യം ചെയ്തതിനേക്കാള് കൂടുതല് സമയം കരിഷ്മ പ്രകാശിനെ ചോദ്യം ചെയ്യാനെടുത്തു. വാട്സ്ആപ്പ് ചാറ്റില് കഞ്ചാവ് വാങ്ങുന്നത് സംബന്ധിച്ച് ആശയവിനമയം നടത്തിയതു സംബന്ധിച്ചാണ് രാകുല് പ്രീത് സിംഗിനോടും കരിഷ്മ പ്രകാശിനോടും എന്സിബി ചോദിച്ചറിഞ്ഞത്.
നടന് സുശാന്ത് സിംഗ് രജ്പുത്തിന്റെ മരണവുമായി ബന്ധപ്പെട്ടു നടന്ന അന്വേഷണത്തിലാണു ബോളിവുഡിന്റെ മയക്കുമരുന്നു ബന്ധം വെളിച്ചത്തുവന്നത്. നടി മാരായ രാകുല് പ്രീത് സിംഗ്, സാറാ അലി ഖാന് എന്നിവരുടെ മയക്കുമരുന്ന് ബന്ധത്തെക്കുറിച്ച് അറസ്റ്റിലായ നടി റിയ ചക്രവര്ത്തി മൊഴി നല്കിയിരുന്നു.
https://www.facebook.com/Malayalivartha