ബി.ജെ.പി നേതാവിന്റെ മൃതദേഹം സംസ്കരിക്കാന് സഹായഹസ്തവുമായി എത്തിയത് തൃണമൂല് കോണ്ഗ്രസ് പ്രവര്ത്തകര്
ഒരു രാത്രി മുഴുവന് ബി.ജെ.പി നേതാവായ ഭര്ത്താവിന്റെ മൃതദേഹം സംസ്കരിക്കാന് സഹായത്തിനായി പലരേയും സമീപിച്ചു. അവസാനം മുന്നോട്ടു വന്നത് തൃണമൂല് കോണ്ഗ്രസ് (ടി.എം.സി) പ്രവര്ത്തകര്. പശ്ചിമ ബംഗാളിലെ ഈസ്റ്റ് ബര്ദ്വാനിലാണ് ഇത്തരമൊരു സംഭവം നടന്നത്. ബി.ജെ.പി ബൂത്ത് പ്രസിഡന്റായിരുന്ന അനൂപ് ബാനര്ജി (60) വെളളിയാഴ്ചയാണ് ഹൃദയാഘാതം മൂലം മരണമടഞ്ഞത്. തുടര്ന്ന് അദ്ദേഹത്തിന്റെ ഭാര്യ റീന സഹായത്തിനായി ബി.ജെ.പി പ്രവര്ത്തകരെ വിളിച്ചെങ്കിലും ആരും വന്നില്ല. ഇതോടെ ഒരു രാത്രി മുഴുവന് അവര് ഭര്ത്താവിന്റെ മൃതദേഹത്തോടൊപ്പം കഴിച്ചുകൂട്ടി. പ്രാദേശിക ബി.ജെ.പി പ്രവര്ത്തകരോട് പലതവണ അഭ്യര്ത്ഥിച്ചെങ്കിലും ആരും തിരിഞ്ഞ് നോക്കിയില്ല. അനൂപ് ബാനര്ജി മരിച്ചത് കൊവിഡ് മൂലമാണെന്ന് അവര് സംശയിച്ചു. ഇതോടെ ശനിയാഴ്ച ടി.എം.സി നേതാവ് ബുദുന് ഷെയ്ഘ് തങ്ങളുടെ പാര്ട്ടി പ്രവര്ത്തകര്ക്ക് നിര്ദ്ദേശം നല്കുകയും അവര് ശവസംസ്കാരം നടത്തുകയുമായിരുന്നു. ഉച്ചക്ക് ഒരു മണിയോടെയാണ് തന്റെ ഭര്ത്താവ് മരിച്ചത്. അദ്ദേഹത്തിന് കൊവിഡ് ലക്ഷണങ്ങള് ഒന്നും ഉണ്ടായിരുന്നില്ല. ഹൃദയാഘാതത്തെ തുടര്ന്നാണ് മരിച്ചത്. നിയമസഭാ തിരഞ്ഞെടുപ്പില് പാര്ട്ടിക്ക് വേണ്ടി അദ്ദേഹം കഠിനാധ്വാനം ചെയ്തിരുന്നു. ബി.ജെ.പിയുടെ പ്രാദേശിക നേതാക്കളെയും പ്രവര്ത്തകരെയും ഞാന് വിവരം അറിയിച്ചു. തുടക്കത്തില് അവര് ഉടന് വരുമെന്ന് പറഞ്ഞു. എന്നാല് ആരെയും കണ്ടില്ലെന്നും റീന പറഞ്ഞതായി ദേശീയ മാദ്ധ്യമങ്ങള് റിപ്പോര്ട്ട് ചെയ്തു. എന്റെ ഭര്ത്താവ് കൊവിഡ് മൂലം മരിച്ചുവെന്ന അഭ്യൂഹവും ഞാന് കേള്ക്കാനിടയായി. അദ്ദേഹത്തെ ശ്മശാനത്തിലേക്ക് കൊണ്ടുപോകാന് ഒരു വാഹനം ക്രമീകരിക്കാന് തനിക്ക് കഴിഞ്ഞില്ല. പേമാരിയും കാറ്റും ഉണ്ടായിരുന്ന രാത്രിയായിരുന്നു. തനിക്ക് ഭര്ത്താവിന്റെ മൃതദേഹവുമായി രാത്രി ചെലവഴിക്കേണ്ടി വന്നതായും അവര് കൂട്ടിച്ചേര്ത്തു.
https://www.facebook.com/Malayalivartha
