ഉത്തര്‍ പ്രദേശ്​, ബിഹാര്‍ സംസ്​ഥാനങ്ങളില്‍ വ്യാപകമായി പുഴയില്‍ മൃതദേഹങ്ങള്‍ ഒഴുകിനടക്കുന്നത്​ രാജ്യാന്തര ശ്രദ്ധ തന്നെ നേടിയിരുന്നു. ഇതിനുപിന്നാലെ ഞെട്ടിക്കുന്ന സമാന ദൃശ്യങ്ങള്‍ മധ്യപ്രദേശിൽ നിന്നും പുറത്ത് അവരുകയാണ്. സംസ്​ഥാനത്ത്​ പന്ന ജില്ലയിലെ റുഞ്ച്​ നദിയിലാണ്​ ഒരു ഡസനിലേറെ മൃതദേഹങ്ങള്‍ കണ്ടെത്തിയിരിക്കുന്നത്​.

വ്യാപകമായി പുഴവെള്ളം ഉപയോഗിക്കുന്ന പ്രദേശത്ത്​ നിരവധി മൃതദേഹങ്ങള്‍ കണ്ടെത്തിയത്​ നാട്ടുകാരെ ഏവരെയും ആശങ്കയിലാഴ്ത്തിയിട്ടുണ്ട്​. നന്ദപുര ഗ്രാമത്തില്‍ മാത്രം ആറു മൃതദേഹങ്ങളാണ്​ പുഴയില്‍ ഒഴുകി നടക്കുന്നതായി കാണുവാൻ സാധിച്ചത്. ഇവിടെ കുളിക്കാനും കുടിക്കാനുമുള്‍പെടെ ജനം ഉപയോഗിക്കുന്നത്​ ഈ പുഴയിലെ വെള്ളമാണ്. ഇതിനുപിന്നാലെ ഗ്രാമപഞ്ചായത്ത്​ അധികൃതരെ അറിയിച്ചിട്ടും നടപടി​കളൊന്നുമില്ലായിരുന്നുവെന്ന്​ ഗ്രാമവാസികള്‍ വ്യക്തമാക്കി. ചില മൃതദേഹങ്ങള്‍ ആചാരങ്ങളുടെ ഭാഗമായി പുഴയിലൊഴുക്കിയതാണെന്ന്​ പന്ന ജില്ലാ കളക്​ടര്‍ സഞ്​ജയ്​ മിശ്ര അറിയിക്കുകയുണ്ടായി. ഇവ കണ്ടെടുത്ത്​ സംസ്​കരിച്ചിട്ടുണ്ട്​.

അതേസമയം ഉത്തര്‍ പ്രദേശിലും ബിഹാറിലും മൃതദേഹങ്ങള്‍ പുഴയില്‍ ഒഴുക്കുന്നത്​ നാട്ടുകാരെ ആകെ ആശങ്കയിലാക്കുന്നത്​ തുടരുകയാണ്​. കഴിഞ്ഞ ദിവസങ്ങളില്‍ മാത്രം നൂറിലേറെ മൃതദേഹങ്ങളാണ്​ ഇരു സംസ്​ഥാനങ്ങളിലൂടെയും ഒഴുകുന്നതായി ഗംഗയില്‍ നിന്നും കണ്ടെത്തിയത്​. ബിഹാറി​െറ ബക്​സറില്‍ 71ഉം ഉത്തര്‍ പ്രദേശിലെ ​ഗഹ്​മറില്‍ 50​േലറെയും മൃതദേഹങ്ങള്‍ കണ്ടെത്തിയിട്ടുണ്ട്. പലരെയും ഇനിയും തിരിച്ചറിയാൻ സാധിച്ചിട്ടില്ല. ​

നാട്ടുകാര്‍ ഏറെ ഭയക്കുന്നത് കോവിഡ്​ മരണമാണെന്നതാണ്. എന്നാൽ ഇതുവരെയും സ്​ഥിരീകരിക്കാനായിട്ടില്ല. ബക്​സറിലെത്തിയ മൃതദേഹങ്ങള്‍ ഉത്തര്‍ പ്രദേശിലെ ഗാസിപൂരില്‍നിന്നുള്ളതാണെന്ന്​ നാട്ടുകാര്‍ സംശയം പ്രകടിപ്പിച്ചു. സംഭവത്തില്‍ കേന്ദ്ര സര്‍ക്കാര്‍ അന്വേഷണം പ്രഖ്യാപിച്ചിട്ടുണ്ട്​.