കോവിഡ് ബാധിച്ച അച്ഛന്റെ ജീവൻ നിലനിർത്താൻ വേണ്ടി അയൽക്കാരനോട് ഓക്സിജൻ സിലിണ്ടർ ആവശ്യപെട്ടപ്പോൾ മറുപടിയായി പകരം ചോദിച്ചത് കിടപ്പപങ്കിടുമോ എന്നായിരുന്നു. ട്വിറ്ററിൽ ഒരാൾ ഇക്കാര്യം പങ്കുവെച്ചതോടെയാണ് സംഭവം പുറം ലോകം അറിയുന്നത്.

'എന്റെ കുഞ്ഞനുജത്തിയെപ്പോലെയാണ് എനിക്കെന്റെ സുഹൃത്തിന്റെ സഹോദരിയും. അവള്‍ അച്ഛന് വേണ്ടി ഓസ്‌സിജന്‍ സിലിണ്ടര്‍ ആവശ്യപ്പെട്ടപ്പോള്‍, സമൂഹത്തില്‍ ഉന്നതനിലയില്‍ കഴിയുന്ന ഒരു കോളനിയില്‍ താമസിക്കുന്ന അവളുടെ അയല്‍ക്കാരന്‍ അയാള്‍ക്കൊപ്പം കിടക്കപങ്കിടണം എന്ന ആവശ്യം മുന്നോട്ടു വച്ചു.

ആ ദുഷ്‌ടന്‍ ഇത് നിരസിക്കാന്‍ സാഹചര്യമുണ്ടെന്നിരിക്കെ, ഇയാള്‍ക്കെതിരെ എന്ത് നടപടിയാണ് എടുക്കാന്‍ കഴിയുക?' എന്നാണ് ട്വിറ്ററിൽ കുറിച്ചിരിക്കുന്നത്.

കഴിഞ്ഞ ദിവസമാണ് ഭവ്റീന്‍ കന്ദാരി എന്ന യുവതി ഈ ട്വീറ്റ് പോസ്റ്റ് ചെയ്തത്. ന്യൂഡല്‍ഹി ആസ്ഥാനമായുള്ള സാമൂഹിക പ്രവര്‍ത്തക എന്നാണ് ഇവരുടെ ട്വിറ്റര്‍ ബയോ നല്‍കുന്ന വിവരം.

ഈ ട്വീറ്റിന് രണ്ടായിരത്തില്പരം ലൈക്കുകളും, ആയിരത്തില്‍ പരം റീട്വീറ്റുകളും, അഞ്ഞൂറിലധികം മറുപടികളും ഇതിനോടകം ലഭിച്ചു കഴിഞ്ഞു. എന്തായാലും നടപടിയുമായി മുന്നോട്ടുപോകണം എന്നാണ് മറുപടി നൽകിയ എല്ലാവരും ആവശ്യം ഉന്നയിച്ചിരിക്കുന്നത്.