രാജ്യത്ത് ഏറ്റവും കൂടുതൽ കോവിഡ് കേസുള്ള സംസ്ഥാനം കർണാടക; മലയാളികൾ അടക്കം ആശങ്കയിൽ, വാക്സിൻ പ്രതിസന്ധി കുറച്ചുകാലം കൂടി തുടരും...
രാജ്യത്ത് കോവിഡ് കേസുകൾ ദിനംപ്രതി വർധിച്ചുവരികയാണ്. ഇന്ത്യയിലെ ഏറ്റവും കൂടുതല് കൊവിഡ് കേസുകളുള്ള സംസ്ഥാനമായി കര്ണാടക. 5,92,182 ആക്ടീവ് കേസുകളാണ് സംസ്ഥാനത്ത് നിലവിൽ ഉള്ളത്.
കര്ണാടകയില് ബുധനാഴ്ച റിപ്പോര്ട്ട് ചെയ്തത് 39,998 കൊവിഡ് കേസുകളായിരുന്നു. 29.6 ശതമാനമാണ് ടെസ്റ്റ് പോസിറ്റിവിറ്റി നിരക്ക്. 517 പേര് കഴിഞ്ഞ ദിവസം മാത്രം മരണപ്പെട്ടു. അതേസമയം, മലയാളികള് ഏറെയുള്ള ബംഗളുരുവില് രോഗബാധ രൂക്ഷമായി തുടരുന്ന സാഹചര്യമാണ് നിലവിലുള്ളതും.
സ്ഥാനത്തുള്ള മഹാരാഷ്ട്രയില് 5,46,129 കേസുകളാണ് നിലവിലുള്ളത്.ഇതിനിടെ വാക്സിനുകളുടെ ദൗര്ലഭ്യതയെ തുടര്ന്ന് 18 മുതല് 44 വയസ് വരെ പ്രായമുള്ളവര്ക്ക് വാക്സിനേഷന് താത്ക്കാലികമായി നിര്ത്തിവയ്ക്കാന് സര്ക്കാര് തീരുമാനിച്ചു.
സ്വകാര്യ ആശുപത്രിയില് ഇത് ബാധകമല്ല. വാക്സിന് പ്രതിസന്ധി കുറച്ചുകാലം കൂടി തുടരുമെന്നാണ് അധികൃതര് സൂചന നൽകിയിരിക്കുന്നത്.
അതേസമയം, രാജ്യത്ത് കഴിഞ്ഞ 24 മണിക്കൂറില് 3.63 ലക്ഷം കോവിഡ് രോഗികള് പുതുതായി റിപ്പോര്ട്ട് ചെയ്യപ്പെട്ടു. രാജ്യത്തെ മരണനിരക്കും കുത്തനെ മുകളിലേക്ക് തന്നെ ഉയരുകയാണ്. 4100 പേരാണ് 24 മണിക്കൂറില് കോവിഡ് ബാധിച്ച് മരിച്ചത്.
കഴിഞ്ഞ 10 ദിവസത്തെ കണക്കെടുത്താല് ലോകത്തെ പ്രതിദിനരോഗികളില് 50 ശതമാനം പേരും ഇന്ത്യയില് നിന്നാണെന്ന് ലോകാരോഗ്യസംഘടന മുന്നറിയിപ്പ് നല്കുന്നു. ലോകത്ത് 10 ദിവസത്തിനകം മരിച്ചവരില് മൂന്നിലൊന്ന് പേരും ഇന്ത്യയിലാണ്.
ഇന്ത്യയില് കാണപ്പെടുന്ന കോവിഡ് 19 വൈറസിന്റെ B 1. 617 എന്ന വകഭേദം അതീവവ്യാപനശേഷിയുള്ളതാണെന്നും ലോകാരോഗ്യസംഘടന മുന്നറിയിപ്പ് നല്കുകയാണ്. എത്രത്തോളം വ്യാപനശേഷിയുണ്ട് ഈ വൈറസ് വകഭേദത്തിന് എന്നത് ലോകാരോഗ്യസംഘടന പഠിച്ച് വരികയാണ്.
https://www.facebook.com/Malayalivartha