ഭീ​മ കൊ​റേ​ഗാ​വ്​ കേ​സി​ല്‍ മാവോവാദി ബന്ധമാരോപിച്ച്‌​ ജ​യി​ലി​ല്‍ ക​ഴി​യു​ന്ന വൃദ്ധനായ ക്രൈസ്​തവ പുരോഹിതന്‍ ഫാ. ​സ്​​റ്റാ​ന്‍ സ്വാ​മി​യെ ഒടുവില്‍ സ്വകാര്യ ആശുപത്രിയിലേക്ക്​ മാറ്റിയതായി റിപ്പോർട്ട്. അത്യാസന്ന നിലയിലായ സ്വാമിയെ മുംബൈയിലെ ഹോളി ഫാമിലി ആശുപത്രിയി​ലാണ്​ പ്രവേശിപ്പിച്ചിരിക്കുന്നത്. നിലവിൽ ഓക്സിജന്റെ സഹായത്തോടെയാണ്​ 84 കാരനായ ഫാദര്‍ കഴിയുന്നത്​. അദ്ദേഹത്തിന്​ ഉറ്റവരെ പോലും തിരിച്ചറിയാനാവുന്നില്ലെന്ന്​ ബംഗളൂരു ആസ്ഥാനമായ ഇന്ത്യന്‍ സോഷ്യല്‍ ഇന്‍സ്റ്റിറ്റ്യൂട്ട് ഡയറക്ടര്‍ ഫാ. ജോ സേവ്യര്‍ മാധ്യമങ്ങളോട്​ വ്യക്തമാക്കുകയുണ്ടായി.

സ്വാ​മി​യു​ടെ അഭിഭാഷകരുടെ ഹർജിയെ തുടര്‍ന്ന്​ സ്വ​കാ​ര്യ ആ​ശു​പ​ത്രി​യി​ലേ​ക്ക്​ മാ​റ്റാ​ന്‍ ബോം​​ബെ ഹൈ​കോ​ട​തി വെള്ളിയാഴ്ച ഉത്തരവിടുകയായിരുന്നു. സ്വ​ന്തം ചെ​ല​വി​ല്‍ ബാ​ന്ദ്ര​യി​ലെ ഹോ​ളി ഫാ​മി​ലി ആ​ശു​പ​ത്രി​യി​ല്‍ പ്രവേശിപിക്കാനാണ്​ കോടതി അനുമതി നല്‍കിയിരിക്കുന്നത്​. തുടര്‍ന്ന്​ രാത്രി 9.50 ഓടെയാണ് സ്വാമിയെ ആശുപത്രിയിൽ എത്തിച്ചത്​.

''ശ്വാസതടസ്സം നേരിട്ടതിനാല്‍ ഓക്‌സിജന്‍ നല്‍കുകയായിരുന്നു. ആരോഗ്യനില പഴയതുപോലെ തുടരുന്നു. ഉറ്റവരെ പോലും തിരിച്ചറിയാന്‍ കഴിയുന്നില്ല. വിശദ പരിശോധനയ്ക്ക് ശേഷം ആശുപത്രി അധികൃതര്‍ ആരോഗ്യസ്ഥിതിയെക്കുറിച്ച്‌ ബുള്ളറ്റിന്‍ നല്‍കും" -ഫാ. സേവ്യര്‍ വ്യക്തമാക്കി.

അതോടൊപ്പം തന്നെ സ്​​റ്റാ​ന്‍ സ്വാ​മി​ക്ക്​ പ​രി​ച​ര​ണ​ത്തി​ന്​ ജീ​വ​ന​ക്കാ​ര​നെ നി​ര്‍​ത്താ​നും അ​ദ്ദേ​ഹ​ത്തെ സ​ന്ദ​ര്‍ശി​ക്കാ​ന്‍ ഫാ. ​ഫ്രാ​സ​ര്‍ മ​സ്​​ക​രാ​നെ​സി​നെ അ​നു​വ​ദി​ക്കാ​നും കോ​ട​തി ഉത്തരവിട്ടിരുന്നു. ആ​രോ​ഗ്യാ​വ​സ്​​ഥ ചൂ​ണ്ടി​ക്കാ​ട്ടി സ്​​റ്റാ​ന്‍ സ്വാ​മി ന​ല്‍​കി​യ ജാ​മ്യ ഹ​ർജി​യി​ല്‍ ജ​സ്​​റ്റി​സു​മാ​രാ​യ എ​സ്.എ​സ്.​ ഷി​ണ്ഡെ, എ​ന്‍.ആ​ര്‍. ബോ​ര്‍​ക​ര്‍ എ​ന്നി​വ​ര​ട​ങ്ങി​യ ബെ​ഞ്ചി​ന്റേ​താ​ണ്​ ഉ​ത്ത​ര​വ്.

ജാ​മ്യ​മാ​ണ്​ വേ​ണ്ട​തെ​ന്നും അ​ല്ലെ​ങ്കി​ല്‍ ജ​യി​ലി​ല്‍ കി​ട​ന്നു മ​രി​ക്കാ​മെ​ന്നും ആ​രോ​ഗ്യ​ശേ​ഷി ന​ശി​ച്ച്‌​ മ​ര​ണം അ​ടു​ത്തു​വ​രി​ക​യാ​ണെ​ന്നും സ്​​റ്റാ​ന്‍ സ്വാ​മി ഒ​രാ​ഴ്​​ച മു​മ്പ്​ കോ​ട​തി​യിൽ വ്യക്തമാക്കിയിരുന്നു. ജെ.​ജെ ആ​ശു​പ​ത്രി​യി​ലേ​ക്കു​ മാ​റ്റ​ട്ടെ​യെ​ന്ന്​ ജ​ഡ്​​ജി വി​ഡി​യോ കോ​ണ്‍​ഫ​റ​ന്‍​സി​നി​ടെ ചോ​ദി​ച്ച​പ്പോ​ഴാ​യി​രു​ന്നു ഇഇത്തരത്തിൽ പറഞ്ഞത്. പിന്നാലെ അ​ദ്ദേ​ഹ​ത്തെ കാ​ര്യ​ങ്ങ​ള്‍ ബോ​ധ്യ​പ്പെ​ടു​ത്താ​ന്‍ അ​ഭി​ഭാ​ഷ​ക​നോ​ട്​ ജ​ഡ്​​ജി ആ​വ​ശ്യ​പ്പെ​ടു​ക​യാ​യി​രു​ന്നു.

അതേസമയം ഹോ​ളി ഫാ​മി​ലി ആ​ശു​പ​ത്രി​യി​ലേ​ക്ക്​ മാ​റാ​ന്‍ ത​യാ​റാ​ണെ​ന്ന്​ വെ​ള്ളി​യാ​ഴ്​​ച അ​ഭി​ഭാ​ഷ​ക​ന്‍ മി​ഹി​ര്‍ ദേ​ശാ​യ്​ കോ​ട​തി​യെ അ​റി​യി​ച്ച​പ്പോ​ള്‍ സ്വ​കാ​ര്യ ആ​ശു​പ​ത്രി​യി​ലേ​ക്ക്​ മാ​റ്റു​ന്ന​തി​നെ എ​ന്‍.െ​എ.​എ എതിർക്കുകയായിരുന്നു. പിന്നാലെ ചെ​ല​വ്​ സ്വാ​മി വ​ഹി​ക്കു​മെ​ന്ന്​ അ​ഭി​ഭാ​ഷ​ക​ന്‍ കോ​ട​തി​യെ അ​റി​യി​ക്കുകയും ചെയ്തു. സ്​​റ്റാ​ന്‍ സ്വാ​മി​യു​ടെ പ്രാ​യ​വും ജെ.​ജെ മെ​ഡി​ക്ക​ല്‍ കോ​ള​ജി​ലെ ഡോ​ക്​​ട​ര്‍​മാ​രു​ടെ വി​ദ​ഗ്​​ധ പാ​ന​ല്‍ ന​ല്‍​കി​യ റി​പ്പോ​ര്‍​ട്ടും പ​രി​ഗ​ണി​ച്ചാ​ണ്​ ആശുപത്രിയിലേക്ക്​ മാറ്റാന്‍ ഉ​ത്ത​ര​വിട്ടത്​.