കൊറോണാ പ്രതിസന്ധിക്കിടയിലും രാജ്യത്തിന്റെ സുരക്ഷയെ മുൻനിർത്തി ആയുധങ്ങൾ ശേഖരിക്കാനുള്ള നീക്കങ്ങൾ നടത്തുകയാണ് ഇന്ത്യ. ചൈനയ്‌ക്കെതിരെ വജ്രായുധo തന്നെ ഉപയോഗിക്കാൻ ഒരുങ്ങുകയാണ് ഇന്ത്യ. ലഡാക്കിൽ കെ.9 വജ്ര ടാങ്കുകൾ വിന്യസിക്കും. ലഡാക്ക് അതിർത്തിയിൽ ചൈനയ്‌ക്കെതിരെ തികച്ചുംഗൗരവകരമായ നീക്കമാണ് ഇന്ത്യ നടത്തുന്നത്. സെൽഫ് പ്രൊപ്പെൽഡ് പീരങ്കികളോട് കൂടിയ കെ.9 വജ്ര ടാങ്കുകൾ വിന്യസിക്കും. ഇതിനായുള്ള നടപടികൾ ആരംഭിച്ചതായി കേന്ദ്ര പ്രതിരോധ മന്ത്രാലയം അറിയിച്ചിരിക്കുകയാണ്.

അതിർത്തിയിൽ സംഘർഷത്തിനുള്ള സാദ്ധ്യത ഇനിയും തള്ളിക്കളയാൻ കളയാത്ത സാഹചര്യമാണ് ഇപ്പോൾ അവിടെ ഉള്ളത്. അതുകൊണ്ടുതന്നെ ഈ ഒരു ഘട്ടത്തിൽ കഴിഞ്ഞ ഫെബ്രുവരി മുതൽ ടാങ്കുകൾ ഉപയോഗിച്ചുള്ള പരിശീലനം ആരംഭിച്ചിരുന്നു. ഇത് ഏകദേശം അവസാനിക്കാനിരിക്കെയാണ് ടാങ്കുകൾ വിന്യസിക്കാനുള്ള നടപടികൾ അധികൃതർ വേഗത്തിലാക്കിയത്. അടുത്തിടെ ലഡാക്ക് അതിർത്തിയിൽ ചൈനീസ് സൈന്യത്തിന്റെ സംശയാസ്പദ നീക്കങ്ങൾ സൈന്യത്തിന്റെ ശ്രദ്ധയിൽപ്പെട്ടിട്ടുണ്ട്. ഇതാണ് നീക്കങ്ങൾ വേഗത്തിലാക്കാൻ കാരണമെന്നാണ് നിഗമനം.

ലഡാക്കിലെ സമതലങ്ങളിൽ അതീവ കാര്യക്ഷമതയോടെ പ്രവർത്തിപ്പിക്കാൻ കഴിയുന്ന ടാങ്കുകളാണ് കെ.9 വജ്ര ടാങ്കുകൾ. ആദ്യമായാണ് വജ്ര ടാങ്കുകൾ ലഡാക്കിൽ വിന്യസിക്കുന്നത്. 2018 ലാണ് ടാങ്കുകൾ കരസേനയ്ക്ക് ഔദ്യോഗികമായി കൈമാറിയത്.

മണിക്കൂറിൽ 67 കിലോ മീറ്റർ വരെ വേഗത്തിൽ സഞ്ചരിക്കാൻ കഴിയുന്ന ടാങ്കുകൾക്ക് 18 മുതൽ 52 കിലോ മീറ്റർവരെയുള്ള ലക്ഷ്യം ഭേദിക്കാൻ സാധിക്കും. അഞ്ച് പേരടങ്ങുന്ന സൈനിക സംഘത്തിന് ടാങ്കിൽ സഞ്ചരിക്കാം.

ഇത്തരത്തിൽ സവിശേഷതകൾ നിരവധി ഉള്ള ടാങ്കുകളാണ് ഇന്ത്യ മേടിക്കാൻ ഒരുങ്ങുന്നത്... ഈ നീക്കം വളരെയധികം നിർണായകമാവുകയാണ്. പ്രതിരോധ രംഗത്ത് യാതൊരു തരത്തിലുള്ള ഒത്തുതീർപ്പുകളും ഇന്ത്യ തയ്യാറായിരുന്നില്ല . നേരത്തെയും ആയുധങ്ങൾ ഇന്ത്യ കൊറോണാ പ്രതിസന്ധികൾക്കിടയിൽ സ്വന്തമാക്കിയിരുന്നു. തദ്ദേശീയമായി വികസിപ്പിച്ചെടുത്ത ലൈറ്റ് കോംബാറ്റ് എയര്‍ക്രാഫ്റ്റായ തേജസിന്റെ ആയുധശേഷിയിൽ ഇനി അഞ്ചാം തലമുറ പൈത്തൺ -5 എയർ-ടു-എയർ മിസൈലും.

ഒപ്പം തേജസില്‍ ഉള്‍പ്പെടുത്തിയ ഡെര്‍ബി ബിയോണ്ട് വിഷ്വല്‍ റേഞ്ച് എയര്‍ ടു എയര്‍ മിസൈലിന്റെ ശേഷി പരീക്ഷിക്കാനുള്ള നീക്കങ്ങളും ആരംഭിച്ചതായി ഡി ആർ ഡി ഒ നേരത്തെ അറിയിച്ചിരുന്നു . കഴിഞ്ഞ ദിവസം ഗോവയിൽ നടന്ന പരീക്ഷണത്തിൽ നിരവധി വെല്ലുവിളികൾ നിറഞ്ഞ സാഹചര്യങ്ങളിലാണ് മിസൈൽ പരീക്ഷണങ്ങൾ പൂർത്തിയാക്കിയത്.