വടിവാള്‍ കൊണ്ട് ​ ജന്മദിന കേക്ക്​ മുറിച്ച ആറു യുവാക്കള്‍ അറസ്റ്റില്‍. ചെന്നൈ കണ്ണകി നഗറിലാണ്​ സംഭവം. ദിനേശ്​ (19), രാജേഷ്​ (18), സുനില്‍ (19), നവീന്‍ കുമാര്‍ (19), അപ്പു (18),കാര്‍ത്തിക്​ അഥവാ ബീഡി എന്നിവരാണ്​ അറസ്​റ്റിലായത്​.

ഞായറാഴ്ച കണ്ണകി നഗറിലെ ഹൗസിങ്​ ബോര്‍ഡ്​ ക്വോര്‍ട്ടെഴ്​സില്‍ സുനിലിന്‍റെ പിറന്നാള്‍ ആഘോഷത്തിനിടെയാണ്​ സംഭവം. ജന്മദിന കേക്ക്​ വടിവാള്‍ ഉപയോഗിച്ച്‌​ മുറിക്കുകയായിരുന്നു. ഇതിന്‍റെ വിഡിയോ സമൂഹമാധ്യമങ്ങളില്‍ വ്യാപകമായി പ്രചരിച്ചിരുന്നു.

കണ്ണകി നഗറില്‍ തന്നെ താമസിക്കുന്ന ​യാഗേശ്വരന്‍ എന്ന വ്യക്തിയുടെ പരാതിയില്‍ പിന്നീട്​ പൊലീസ്​ കേസെടുക്കുകയും ചെയ്​തു. മാരകായുധം ഉപയോഗിച്ചതിനും ഉച്ചത്തില്‍ പാട്ടുവെച്ച്‌​ അയല്‍ക്കാര്‍ക്ക് ശല്യമുണ്ടാക്കിയതിനുമാണ് പോലീസ് ​ കേസ്​.