ജോലിയുടെ സമ്മർദ്ദത്തിനിടയിൽ സമയം പോകാനായി ഒരു വീഡിയോ. ആ വീഡിയോ ഏറ്റെടുത്ത് ലക്ഷങ്ങൾ. പക്ഷേ മുട്ടൻ പണി കിട്ടി. സമൂഹമാധ്യമങ്ങളിൽ വൈറലായ വിഡിയോക്കു പിന്നിലുള്ള രണ്ട് പൊലീസ് ഉദ്യോഗസ്ഥർക്കാണ് പണി കിട്ടിയിരിക്കുന്നത്. കാരണം കാണിക്കൽ നോട്ടീസ് അയച്ചിരിക്കുകയാണ് ഇവർക്ക്.

വടക്കുപടിഞ്ഞാറൻ ഡൽഹിയിലെ മോഡൽ ടൗൺ പൊലീസ് സ്റ്റേഷനിലുള്ള വനിതാ ഹെഡ് കോൺസ്റ്റബിളും കോൺസ്റ്റബിളും ചേർന്നായിരുന്നു ലോക്ക്ഡൗണിനിടെ ഔദ്യോഗിക യൂനിഫോമിൽ ബോളിവുഡ് ഗാനങ്ങൾക്കൊത്ത് അഭിനയിക്കുന്ന വിഡിയോ സമൂഹമാധ്യമങ്ങളിൽ പോസ്റ്റ് ചെയ്തത്.

എന്നാൽ ഈ വീഡിയോ വൈറൽആകുമെന്നും അഭിനന്ദനങ്ങൾ ലഭിക്കുമെന്ന പ്രതീക്ഷിച്ചിരുന്ന പോലീസുകാർക്ക് അവരുടെ പ്രതീക്ഷ തെറ്റിയ പ്രതികരണമാണ് ലഭിച്ചത്. പൊലീസ് ഉദ്യോഗസ്ഥർ വ്യാപക വിമർശനത്തിനും മേലധികാരികളുടെ വിധേയരായ.

വടക്കുപടിഞ്ഞാറൻ ഡൽഹിക്കു കീഴിലുള്ള മോഡൽ ടൗൺ പൊലീസ് സ്റ്റേഷനിലെ വനിതാ ഹെഡ് കോൺസ്റ്റബിൾ ശശിയും കോൺസ്റ്റബിളായ വിവേക് മാത്തൂറുമാണ് ഔദ്യോഗിക കൃത്യനിർവഹണത്തിനിടെ വിഡിയോ എടുത്ത് സമൂഹമാധ്യമങ്ങളിൽ പങ്കുവച്ചത്. ഈ വിഡിയോ സമൂഹമാധ്യമങ്ങൾ വ്യാപകമായി ഇരുകൈയും നീട്ടി സ്വീകരിച്ചിരുന്നു.

വടക്കുപടിഞ്ഞാറൻ ഡിസിപി ഉഷ രംഗ്‌നാനിയാണ് ഇരുവർക്കും കാരണം കാണിക്കൽ നോട്ടീസ് നൽകിയത്. വിഡിയോയിൽ വിവേക് മാസ്‌ക് ധരിച്ചിട്ടില്ലെന്നും ഇരുവരും സാമൂഹിക അകലം പാലിക്കുന്നില്ലെന്നും നോട്ടീസിൽ പരാതിയായിരുന്നു. ഔദ്യോഗിക ചുമതലയിലെ വീഴ്ചയ്ക്കു പുറമെ കടുത്ത അശ്രദ്ധ, നിരുത്തരവാദ സമീപനം ഇവ ചാർത്തിയാണ് കാരണം കാണിക്കൽ നോട്ടീസ് അയച്ചിരിക്കുന്നത്.