രാജ്യത്ത് ആശങ്കയായി ബ്ലാ​ക്ക് ഫം​ഗ​സ്. ക​ര്‍​ണാ​ട​ക​യി​ല്‍ ബ്ലാ​ക്ക് ഫം​ഗ​സ് രോ​ഗം ബാ​ധി​ച്ച്‌ മ​രി​ച്ച​വ​രു​ടെ എ​ണ്ണം 157 ആ​യി ഉയർന്നതായി റിപോർട്ട്. ഇതോ​ടൊ​പ്പം രോ​ഗം സ്ഥി​രീ​ക​രി​ച്ച​വ​രു​ടെ എ​ണ്ണം 2000 കടക്കുകയുണ്ടായി. ജൂ​ണ്‍ ഒ​മ്പ​തു​വ​രെ​യു​ള്ള ക​ണ​ക്കു​ക​ള്‍ പ്ര​കാ​രം സം​സ്ഥാ​ന​ത്ത് 2,282 പേ​ര്‍​ക്കാ​ണ് ബ്ലാ​ക്ക് ഫം​ഗ​സ് സ്ഥി​രീ​ക​രി​ച്ചിരിക്കുന്നത്.

ഇ​തി​ലാ​ണ് 157 പേ​ര്‍ മരിച്ചതായി സ്ഥിരീകരിച്ചത്. 1,947 പേ​രാ​ണ് നി​ല​വി​ല്‍ ചി​കി​ത്സ​യി​ൽ കഴിയുന്നത്. 102 പേ​ര്‍ രോ​ഗ​മു​ക്തി നേ​ടി. ചി​കി​ത്സ തു​ട​രാ​ന്‍ ആ​വ​ശ്യ​പ്പെ​ട്ടി​ട്ടും 76 പേ​ര്‍ ആ​ശു​പ​ത്രി​യി​ല്‍​നി​ന്ന് സ​മ്മ​ത​മി​ല്ലാ​തെ മ​ട​ങ്ങി​യെ​ന്നും സ​ര്‍​ക്കാ​ര്‍ ഹൈ​കോ​ട​തി​യി​ല്‍ ന​ല്‍​കി​യ റി​പ്പോ​ര്‍​ട്ടി​ല്‍ വ്യ​ക്ത​മാ​ക്കി.

അതോടൊപ്പം തന്നെ കോ​വി​ഡു​മാ​യി ബ​ന്ധ​പ്പെ​ട്ട പൊ​തു​താ​ല്‍​പ​ര്യ ഹ​ര​ജി പ​രി​ഗ​ണി​ക്കു​ന്ന​തി​നി​ടെ​യാ​ണ് ബ്ലാ​ക്ക് ഫം​ഗ​സു​മാ​യി ബ​ന്ധ​പ്പെ​ട്ട ക​ണ​ക്കു​ക​ള്‍ ഹൈ​കോ​ട​തി ചീ​ഫ് ജ​സ്​​റ്റി​സ് അ​ഭ​യ് ശ്രീ​നി​വാ​സ് ഒാ​ഖ, ജ​സ്​​റ്റി​സ് അ​ര​വി​ന്ദ് കു​മാ​ര്‍ എ​ന്നി​വ​ര​ട​ങ്ങി​യ ഡി​വി​ഷ​ന്‍ ബെ​ഞ്ചി​ന് മു​മ്പാ​കെ സ​മ​ര്‍​പ്പി​ച്ചിരിക്കുന്നത്. ബം​ഗ​ളൂ​രു അ​ര്‍​ബ​ന്‍ ജി​ല്ല​യി​ല്‍ മാ​ത്രം 787 പേ​ര്‍​ക്കാ​ണ് ബ്ലാ​ക്ക് ഫം​ഗ​സ് സ്ഥി​രീ​ക​രി​ച്ച​ത് തന്നെ. ഇ​തി​ല്‍ 55 പേ​ര്‍ മ​രി​ക്കു​ക​യും 31 പേ​ര്‍ രോ​ഗ​മു​ക്തി നേ​ടു​ക​യും ഒ​മ്ബ​തു​പേ​ര്‍ ചി​കി​ത്സ പൂ​ര്‍​ത്തി​യാ​കാ​തെ ആ​ശു​പ​ത്രി വി​ടു​ക​യും ചെ​യ്തു.

കൂടാതെ ധാ​ര്‍​വാ​ഡ്, ബെ​ള​ഗാ​വി, ക​ല​ബു​റ​ഗി എ​ന്നീ ജി​ല്ല​ക​ളി​ല്‍ യ​ഥാ​ക്ര​മം 202, 138, 137 എ​ന്നി​ങ്ങ​നെ​യാ​ണ് ബ്ലാ​ക്ക് ഫം​ഗ​സ് രോ​ഗം ബാ​ധി​ച്ച​വ​രു​ടെ എ​ണ്ണം. ബ്ലാ​ക്ക് ഫം​ഗ​സ് ചി​കി​ത്സ​ക്ക് അ​ടി​യ​ന്ത​ര​മാ​യി പ്ര​ത്യേ​ക മാ​ര്‍​ഗ​നി​ര്‍​ദേ​ശം എ​ല്ലാ ആ​ശു​പ​ത്രി​ക​ള്‍​ക്കും ന​ല്‍​ക​ണ​മെ​ന്നും ചി​കി​ത്സ​ക്കാ​വ​ശ്യ​മാ​യ ആം​ഫോ​ടെ​റി​സി​ന്‍-​ബി മ​രു​ന്ന് കേ​ന്ദ്ര​ത്തി​ല്‍​നി​ന്ന് ല​ഭ്യ​മാ​ക്ക​ണ​മെ​ന്നും ഹൈ​കോ​ട​തി നി​ര്‍​ദേ​ശി​ച്ചു.