കോവിഡ് നിയന്ത്രണങ്ങളില് ഇളവ് അനുവദിച്ച് ഡല്ഹി മുഖ്യമന്ത്രി അരവിന്ദ് കേജരിവാള്... സര്ക്കാര് ഓഫീസുകളില് ഗ്രൂപ്പ് എ വിഭാഗത്തിലുള്ള മുഴുവന് ഉദ്യോഗസ്ഥരും ജോലിക്കെത്തണം, റസ്റ്റോറന്റുകളില് 50 ശതമാനം പേര്ക്ക് ഇരുന്നു കഴിക്കാം, ഇളവുകള് ഇങ്ങനെ...
കോവിഡ് നിയന്ത്രണങ്ങളില് ഇളവ് അനുവദിച്ച് ഡല്ഹി മുഖ്യമന്ത്രി അരവിന്ദ് കേജരിവാള്. തിങ്കളാഴ്ച പുലര്ച്ചെ അഞ്ച് മുതലാണ് നിയന്ത്രണങ്ങള്ക്ക് ഇളവ് അനുവദിക്കുന്നത്.
നിരോധിച്ചിരിക്കുന്ന ചില പ്രവര്ത്തനങ്ങളും നിയന്ത്രണ രീതിയില് ചെയ്യുന്ന ചില പ്രവര്ത്തനങ്ങളും ഒഴികെയുള്ള എല്ലാ പ്രവര്ത്തനങ്ങള്ക്കും അനുമതി നല്കുമെന്ന് കേജരിവാള് അറിയിച്ചു. എന്നാല് സ്കൂള്, കോളജ്, വിദ്യാഭ്യാസ-കോച്ചിംഗ് സ്ഥാപനങ്ങള് അടഞ്ഞു കിടക്കും. രാഷ്ട്രീയ, സാമൂഹിക, കായിക, വിനോദ, സംസ്കാരിക, മതപരമായ ആഘോഷങ്ങള്ക്കും വിലക്ക് തുടരും.
നീന്തല് കുളങ്ങള്, സ്റ്റേഡിയം, സ്പോട്ട്സ് കോംപ്ലക്സ്, സിനിമ തീയറ്റര് എന്നിവയും അടഞ്ഞു കിടക്കും. സ്പാ, ജിം, യോഗ സ്ഥാപനങ്ങള് എന്നിവയ്ക്ക് തുറക്കാന് അനുമതിയില്ല. പാര്ക്കുകളും അടഞ്ഞുകിടക്കും.
സര്ക്കാര് ഓഫീസുകളില് ഗ്രൂപ്പ് എ വിഭാഗത്തിലുള്ള മുഴുവന് ഉദ്യോഗസ്ഥരും ജോലിക്കെത്തണം. ബാക്കിയുള്ള 50 ശതമാനം പേരും ജോലിക്കെത്തണം. സ്വകാര്യ സ്ഥാപനങ്ങള് 50 ശതമാനം ജീവനക്കാരെ ഉള്പ്പെടുത്തി രാവിലെ ഒന്പത് മുതല് അഞ്ച് വരെ പ്രവര്ത്തിക്കാം.
റസ്റ്റോറന്റുകളില് 50 ശതമാനം പേര്ക്ക് ഇരുന്നു കഴിക്കാന് അനുവദിക്കും. ഒരാഴ്ച സ്ഥിതിഗതികള് നിരീക്ഷിക്കും. കോവിഡ് കുറയാതെ ഉയരുന്ന സാഹചര്യമുണ്ടായാല് നിയന്ത്രണങ്ങള് കടുപ്പിക്കുമെന്നും കേജരിവാള് പറഞ്ഞു.
മാളുകളും ഷോപ്പിംഗ് കോംപ്ലക്സുകളും രാവിലെ പത്ത് മുതല് രാത്രി എട്ട് വരെ തുറന്ന് പ്രവര്ത്തിക്കാം. ആരാധനാലയങ്ങള് തുറക്കാം. എന്നാല് വിശ്വാസികള്ക്ക് പ്രവേശനം അനുവദിക്കില്ലെന്നും കേജരിവാള് പറഞ്ഞു.
ഡല്ഹി മെട്രോയിലും ബസുകളിലും 50 ശതമാനം യാത്രക്കാരെ അനുവദിക്കും. ഓട്ടോ, ഇ-റിക്ഷ, ടാക്സി എന്നിവയില് രണ്ടില് കൂടുതല് യാത്രക്കാരെ അനുമതിക്കില്ല. 20 പേരെ ഉള്പ്പെടുത്തി വീടുകളിലോ കോടതികളിലോ വിവാഹം നടത്താം. മരണാനന്തര ചടങ്ങുകളിലും 20 പേര്ക്ക് പങ്കെടുക്കാമെന്നും കേജരിവാള് കൂട്ടിച്ചേര്ത്തു.
"
https://www.facebook.com/Malayalivartha
