റിലയന്‍സിനെതിരെ കംപ്‌ട്രോളര്‍ ആന്റ്‌ ഓഡിറ്റര്‍ ജനറല്‍ പരാതി നല്‍കി
എണ്ണപ്പാടവുമായി ബന്ധപ്പെട്ട്‌ റിലയന്‍സിനെതിരെ കംപ്‌ട്രോളര്‍ ആന്റ്‌ ഓഡിറ്റര്‍ ജനറല്‍ പരാതി നല്‍കി. എണ്ണപ്പാടവുമായി ബന്ധപ്പെട്ട്‌ നടത്തിയ ഇടപാടുകള്‍ സംബന്ധിച്ച രേഖകള്‍ നല്‍കാന്‍ റിലയന്‍സ്‌ തയ്യാറാകാത്തതാണ്‌ പരാതി നല്‍കാന്‍ സി.ഐ.ജിയെ പ്രേരിപ്പിച്ചത്‌. കൃഷ്‌ണ,ഗോതാവരി തടത്തിലെ ഡി സിക്‌സ്‌ എണ്ണപ്പാടവുമായി ബന്ധപ്പെട്ട രേഖകളാണ്‌ റിലയന്‍സ്‌ നല്‍കാതിരുന്നത്‌. റിലയന്‍സിനെതിരെ കഴിഞ്ഞ വര്‍ഷവും സമാന വിഷയത്തില്‍ സി.ഐ.ജി പരാതി നല്‍കിയിരുന്നു. സാനപത്തിക കണക്കെടുപ്പിന്‌ റിലയന്‍സ്‌ സഹകരിക്കുന്നില്ല എന്നുകാട്ടിയാണ്‌ സി.ഐ.ജി എണ്ണ മന്ത്രാലയത്തിന്‌ പരാതി നല്‍കിയിരിക്കുന്നത്‌.
2008-09,2011-12 എന്നീ വര്‍ഷങ്ങളില്‍ നടത്തിയ ഇടപാടുകളുടെ വിശദവിവരങ്ങള്‍ ഹാജരാക്കാനാണ്‌ റിലയന്‍സിനോട്‌ സി.ഐ.ജി ആവശ്യപ്പെട്ടത്‌. സി.ഐ.ജിയുടെ ഓഡിറ്റ്‌ റിപ്പോര്‍ട്ട്‌ കഴിഞ്ഞ വര്‍ഷം സമര്‍പ്പിക്കേണ്ടതായിരുന്നു. എന്നാല്‍ റിലയന്‍സിന്റെ സമീപനം കാരണം അത്‌ നീണ്ടു പോകുകയാണ്‌.
ആവശ്യപ്പെട്ട രേഖകള്‍ മുഴുവന്‍ റിലയന്‍സ്‌ സമര്‍പ്പിച്ചിട്ടുണ്ടോ എന്ന്‌ മന്ത്രാലയം ഉറപ്പുവരുത്തണമെന്നും പരാതിയില്‍ സി.ഐ.ജി ചൂണ്ടിക്കാട്ടുന്നു. കഴിഞ്ഞ വര്‍ഷം സി.ഐ.ജി നല്‍കിയ പരാതിയുടെ അടിസ്ഥാനത്തില്‍ ഡി.സിക്‌സ്‌ എണ്ണപ്പാടത്തിന്റെ പ്രവര്‍ത്തനങ്ങള്‍ തടഞ്ഞുവെച്ചിരുന്നു.
https://www.facebook.com/Malayalivartha
