ബോളിവുഡിലെ മികച്ച താരജോഡികളാണ് ഷാരൂഖും കാജോളും. കൂടാതെ ഷാരൂഖ് ഖാന്റെ അടുത്ത സുഹൃത്തു കൂടിയാണ് കാജോള്‍. ഷാരൂഖിന്റെ മകന്‍ ആര്യന്‍ ഖാന്‍ മയക്കുമരുന്ന കേസില്‍ അറസ്റ്റിലായപ്പോള്‍ സുഹൃത്തിനെ പിന്തുണയ്ക്കാതെ മൗനം പാലിക്കുന്നതിനെതിരെ രൂക്ഷവിമര്‍ശനമാണ് കാജോളിനെതിരെ ഉയരുന്നത്. ഇരുവരുടെയും എക്കാലത്തെയും സൂപ്പര്‍ഹിറ്റ് ചിത്രം 'ദില്‍വാലെ ദുല്‍ഹനിയ ലേ ജായേംഗേ'യുടെ 26മത്തെ വര്‍ഷികവുമായി ബന്ധപ്പെട്ട് കാജോള്‍ പങ്കുവച്ച പോസ്റ്റിന് താഴെയാണ് ഷാരൂഖ് ആരാധകരുടെ വിമര്‍ശനം. 'സിമ്രാന്‍ 26 വര്‍ഷം മുമ്ബാണ് ആ ട്രെയിന്‍ പിടിച്ചത്. ആ സ്‌നേഹത്തിന് ഞങ്ങള്‍ എല്ലാവരോടും ഇപ്പോഴും നന്ദി അറിയിക്കുന്നു', എന്നായിരുന്നു നടിയുടെ കുറിപ്പ്. ഇതിന് പിന്നാലെയാണ് താരത്തിനെതിരേ ഷാരൂഖ് ആരാധകര്‍ രംഗത്ത് വന്നത്. 'ഇത് നിങ്ങളുടെ പിആര്‍ ടീമാണ് ചെയ്തതെങ്കില്‍ ലജ്ജയുണ്ട്. നിങ്ങള്‍ സ്വയം പങ്കുവച്ചാതാണെങ്കില്‍ അതേറെ വേദനിപ്പിക്കുന്നു. ഉറ്റസുഹൃത്ത് കടുത്ത വിഷമതകളിലൂടെ കടന്നുപോകുകയാണ്, ആര്യന് ജാമ്യം നിരസിക്കപ്പെട്ട സമയത്താണ് നിങ്ങളുടെ ഈ പോസ്റ്റ്. എന്താണ് നിങ്ങള്‍ക്ക് പറ്റിയത്' എന്നായിരുന്നു ഒരാള്‍ കുറിച്ചത്.