നാഷണല്‍ ക്രൈം റെക്കോര്‍ഡ് ബ്യൂറോ(എന്‍.സി.ആര്‍.ബി) പുറത്തുവിട്ട 2014ലെ റിപ്പോര്‍ട്ടനുസരിച്ച് രാജ്യത്ത് ആത്മഹത്യ ചെയ്ത 1,31,666 പേരില്‍ 65.9ശതമാനവും വിവാഹിതരാണെന്നാണ് കണ്ടെത്തിയിരിക്കുന്നത്. എന്നാല്‍, ആത്മഹത്യ ചെയ്ത അവിവാഹിതരുടെ നിരക്ക് 21.1 ശതമാനമാണ്. ഈ കാലയളവില്‍ ആത്മഹത്യ ചെയ്ത വിധവകളുടെയും വിഭാര്യരുടെയും ശതമാനം 2.1 ആണെന്നും കണക്കുകള്‍ സൂചിപ്പിക്കുന്നു. അതേസമയം, നിയമപ്രകാരം ബന്ധം വേര്‍പ്പെടുത്തിയവരിലും വേര്‍പിരിഞ്ഞ് ജീവിക്കുന്നവരിലും ആത്മഹത്യാ നിരക്ക് 1.4%മാത്രമാണെന്നും എന്‍.സി.ആര്‍.ബിയുടെ കണക്കുകള്‍ വ്യക്തമാക്കുന്നു.
കണക്കുകള്‍ ഞെട്ടിക്കുന്നതാണെന്നും കുടുംബ ബന്ധങ്ങളിലുണ്ടായ ഗൗരവകരമായ മാറ്റമാണ് വിവാഹിതര്‍ക്കിടയില്‍ ആത്മഹത്യാ പ്രവണത ഏറാന്‍ കാരണമെന്നും വിദഗ്ദ്ധര്‍ ചൂണ്ടിക്കാണിക്കുന്നു. കൂട്ടുകുടുംബ വ്യവസ്ഥകള്‍ അണുകുടുംബ വ്യവസ്ഥയിലേക്കു അതിവേഗം മാറിക്കൊണ്ടിരിക്കുകയാണെന്നും ഇത് കുടുംബബന്ധങ്ങളില്‍ തര്‍ക്കങ്ങള്‍ ഉടലെടുക്കാനും സഹനശക്തി നഷ്ടപ്പെടാനും കാരണമാകുന്നുവെന്നുമാണ് മനശാസ്ത്രജ്ഞരും മാര്യേജ് കൗണ്‍സിലര്‍മാരും അഭിപ്രായപ്പെടുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha