അധ്യാപക ദിനത്തോടനുബന്ധിച്ച് പ്രധാനമന്ത്രി നരേന്ദ്ര മോഡി നടത്തിയ പ്രസംഗം വിദ്യാര്‍ത്ഥികള്‍ക്കിടയില്‍ ഏറെ ആവേശം ഉണര്‍ത്തിയിരിക്കുകയാണ്. അധ്യാപകര്‍ക്ക് പ്രചോദനം നല്‍കുന്നതാണ് മോഡിയുടെ പ്രസംഗം. കുട്ടികള്‍ക്ക് അമ്മമാര്‍ ജന്മം നല്‍കും, അധ്യാപകരാണ് അവര്‍ക്ക് ജീവിതം നല്‍കുന്നതെന്നും മോഡി പറഞ്ഞു. അധ്യാപക ദിനത്തില്‍ എന്തിനാണ് കുട്ടികളുമായി സമയം ചെലവിടുന്നതെന്ന് ചിലര്‍ തന്നോട് ചോദിച്ചിരുന്നു. എന്നാല്‍ മോഡി പറഞ്ഞത് ഇങ്ങനെയാണ്, അധ്യാപകരുടെ വ്യക്തിത്വം വിദ്യാര്‍ഥികളാണ് ഇതായിരുന്നു മോഡിയുടെ മറുപടി.
വിദ്യാര്‍ഥികളെ രൂപപ്പെടുത്തുന്നതില്‍ അധ്യാപകരുടെ പങ്ക് വലുതാണെന്നും മോഡി പറഞ്ഞു. കുട്ടിയായിരിക്കുമ്പോള്‍ അവരെ പെട്ടെന്നു സ്വാധീനിക്കാം. അന്ന് അധ്യാപകര്‍ എന്തുപകര്‍ന്നുനല്‍കുന്നുവോ അതു ജീവിതാവസാനം വരെ അവരുടെ മനസ്സിലുണ്ടാകും. ഗുരുക്കന്‍മാര്‍ കുട്ടികളില്‍ നിക്ഷേപിച്ചില്ലെങ്കില്‍ അവര്‍ പൂര്‍ണരാകില്ല. എല്ലാ പ്രമുഖ ഡോക്ടര്‍മാര്‍, എന്‍ജിനീയര്‍മാര്‍, ശാസ്ത്രജ്ഞന്‍മാര്‍ എന്നിവര്‍ക്കു പിന്നിലും മഹത്‌വ്യക്തികളായ അധ്യാപകരുണ്ടെന്നും മോഡി സദസില്‍ നിറഞ്ഞ ചിരിയോടെ പറഞ്ഞു.
ഒരു നേതാവാകണമെങ്കില്‍ എന്തിനാണ് അങ്ങനെയാകുന്നതെന്നതിന് വ്യക്തമായ ഉത്തരം വേണം. വെറുതേ തിരഞ്ഞെടുപ്പുകളില്‍ ജയിച്ചാല്‍ മതിയോ, അതോ ജനങ്ങളെ സേവിക്കുകയാണോ ഉദ്ദേശം? വായനശാലകളില്‍ മണിക്കൂറുകള്‍ ഞാന്‍ ചെലവഴിച്ചിട്ടുണ്ട്. സ്വാമി വിവേകാനന്ദന്റെ പുസ്തകങ്ങളാണ് വായിച്ചവയില്‍ കൂടുതലും. അതെന്നെ ആഴത്തില്‍ സ്പര്‍ശിച്ചിട്ടുണ്ട്. ഒരു ട്രെയിന്‍ യാത്രയില്‍ നിന്നു പോലും പുതിയ കാര്യങ്ങള്‍ പഠിക്കാന്‍ പറ്റുമെന്നും മോഡി പറയുന്നു.
ആരോടും സംസാരിച്ചാലും അയാളില്‍ നിന്നും നല്ലത് മാത്രം സ്വീകരിക്കാനാണ് നാം പഠിക്കേണ്ടതെന്നും മോഡി പറഞ്ഞു. സംസാരിക്കുന്ന എല്ലാ വ്യക്തിത്വങ്ങളിലും നിന്നും നമ്മുക്ക് എന്തെങ്കിലും അറിവ് കിട്ടും. പല രീതിയില്‍ അത് സ്വാധീനിക്കാം. എല്ലാവരില്‍ നിന്നും എന്തെങ്കിലും അറിവു ലഭിക്കും. പലതും സ്വാധീനിക്കുകയും ചെയ്യാം. ഞാന്‍ വളരെ ജിജ്ഞാസാലുവായ കുട്ടിയായിരുന്നു. സാധാരണക്കാരില്‍ നിന്നുപോലും വിദ്യാര്‍ഥികള്‍ക്ക് വളരെയധികം പഠിക്കാനുണ്ടെന്നും മോഡി പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha