ഹിന്ദു കുടുംബങ്ങളില് നിര്ബന്ധമായും രണ്ടോ മൂന്നോ കുട്ടികള് വേണം! ഹിന്ദു ജനസംഖ്യ കുറയുന്നത് രാജ്യത്തിന്റെ അഖണ്ഡതയ്ക്ക് ഭീഷണി; മതപരിവര്ത്തനം അപകടകരമാം വിധം വര്ധിക്കുന്നുവെന്ന് വിഎച്ച്പി നേതാവ്
ഹിന്ദുക്കളായ യുവതീയുവാക്കള്ക്ക് വിവാഹശേഷം കുറഞ്ഞത് രണ്ടോ മൂന്നോ കുട്ടികളെങ്കിലും ഉണ്ടായിരിക്കണമെന്ന് വിഎച്ച്പി നേതാവ് മിലിന്ദ് പരാണ്ഡെ. ഹിന്ദുക്കളുടെ എണ്ണം കുറയുന്നത് അസ്തിത്വ പ്രതിസന്ധിയിലേക്ക് നയിക്കുമെന്നും അദ്ദേഹം കൂട്ടിച്ചേര്ത്തു.
മധ്യപ്രദേശിലെ ഖാണ്ഡവയില് വിഎച്ച്പിയു ബജ്റംഗദളും സംഘടിപ്പിച്ച ഹിന്ദു യുവജന സമ്മേളനത്തില് പങ്കെടുത്ത് സംസാരിക്കുകയായിരുന്നു മിലിന്ദ്. യുവാക്കളായ നിരവധി പേര് പരിപാടിയില് പങ്കെടുത്തിരുന്നു. വിവാഹം കഴിഞ്ഞാല് ഓരോ ഹിന്ദു കുടുംബത്തിലും കുറഞ്ഞത് രണ്ടോ മൂന്നോ കുട്ടികളെങ്കിലും ഉണ്ടായിരിക്കണം എന്ന് ഓരോ യുവാവും ചിന്തിക്കണം.
ജനസംഖ്യ കുറഞ്ഞാല് ഹിന്ദുക്കള്ക്ക് പ്രതിസന്ധിയുണ്ടാകും. അതിനാല് ഒരു വ്യക്തിക്ക് മാത്രമല്ല സമൂഹത്തിന്റെ സംരക്ഷണത്തിനും ഓരോ ഹിന്ദു കുടുംബത്തിലും കുറഞ്ഞത് രണ്ടോ മൂന്നോ കുട്ടികളെങ്കിലും ഉണ്ടായിരിക്കണം എന്ന് ഓരോ യുവാവും ചിന്തിക്കണം.
അതിനാല്, ഒരു വ്യക്തിക്ക് മാത്രമല്ല, സമൂഹത്തിന്റെ സംരക്ഷണത്തിനും ഓരോ ഹിന്ദു കുടുംബത്തിനും രണ്ടോ മൂന്നോ കുട്ടികള് ഉണ്ടായിരിക്കണം- മിലിന്ദ് പറഞ്ഞു. ഹിന്ദു സമൂഹം അവരുടെ ചരിത്രത്തില് നിന്ന് പ്രചോദനം ഉള്ക്കൊണ്ടിട്ടുണ്ടെന്നും അതിനാലാണ് ബ്രിട്ടീഷ് കൊളോണിയല് യജമാനന്മാര് അവരെ ഭൂതകാലവുമായി ബന്ധിപ്പിക്കുന്ന ബന്ധം തകര്ക്കാന് ശ്രമിച്ചതെന്നും അദ്ദേഹം പറഞ്ഞു.
ബ്രിട്ടീഷുകാര് ഒരു പുതിയ വിദ്യാഭ്യാസ സമ്പ്രദായം കൊണ്ടുവന്നു, അത് ഹിന്ദുക്കള്ക്ക് അവരുടെ പൂര്വികരെയും ചരിത്രത്തെയും കുറിച്ച് ലജ്ജ തോന്നാന് ഇടയാക്കി. നമ്മുടെ വിദ്യാഭ്യാസ സമ്പ്രദായത്തെ അവര് തകര്ത്തു. പൂര്വികരെ ഓര്ത്ത് ലജ്ജിക്കുന്ന ഒരു സമൂഹവും അധികനാള് നിലനില്ക്കില്ലെന്നും മിലിന്ദ് ചൂണ്ടിക്കാട്ടി.
ഹിന്ദുക്കളുടെ എണ്ണം കുറഞ്ഞു കൊണ്ടിരിക്കുകയാണ്. മതപരിവര്ത്തനം അപകടകരമാം വിധം വര്ധിച്ചു. മുസ്ലിമുകളുടെ ജനസംഖ്യയും വര്ധിക്കുകയാണ്. ഹിന്ദു ജനസംഖ്യ കുറഞ്ഞാല് രാജ്യത്തിന്റെ അഖണ്ഡതയ്ക്ക് ഭീഷണിയുണ്ടാകുന്നത് ചരിത്രത്തിലുണ്ട്. രാജ്യം വീണ്ടും വിഭജിക്കപ്പെടാതിരിക്കാന് ഹിന്ദുക്കളുടെ എണ്ണം വര്ധിക്കേണ്ടതുണ്ടെന്നും മിലിന്ദ് പറഞ്ഞു.
"
https://www.facebook.com/Malayalivartha
