മുതിര്‍ന്ന കോണ്‍ഗ്രസ് നേതാവും കോണ്‍ഗ്രസ് ജനറല്‍ സെക്രട്ടറിയുമായ ദിഗ്‌വിജയ് സിങും ടെലിവിഷന്‍ അവതാരക അമൃത റായിയും തമ്മിലുള്ള വിവാഹം കഴിഞ്ഞതായി റിപ്പോര്‍ട്ട്. കഴിഞ്ഞ മാസം അവസാനം ചെന്നൈയില്‍ വച്ച് ഇരുവരും വിവാഹിതരായതാണ് റിപ്പോര്‍ട്ടുകള്‍ വ്യക്തമാക്കുന്നത്.
ഇരുവരും തമ്മില്‍ അടുപ്പത്തിലാണെന്ന് നേരത്തെ റിപ്പോര്‍ട്ടുകള്‍ ഉണ്ടായിരുന്നു. കഴിഞ്ഞ ഏപ്രിലില്‍ മുന്‍ മധ്യപ്രദേശ് മുഖ്യമന്ത്രി കൂടിയായ ദിഗ്‌വിജയ് സിങ് അമൃതയുമായി അടുപ്പത്തിലാണെന്ന കാര്യം സമ്മതിച്ചിരുന്നു. 44 കാരിയായ അമൃത വിവാഹ മോചിതയാണ്. ദിഗ്!വിജയ് സിങിന്റെ ഭാര്യ 2013ല്‍ മരിച്ചിരുന്നു. ഇദേഹത്തിന് നാലു പെണ്‍മക്കളും ഒരു മകനും ഉണ്ട്. 68 കാരനായ ദിഗ വിജയ് സിങ് ഇപ്പോള്‍ യു എസിലാണുള്ളതെന്നും റിപ്പോര്‍ട്ടുകള്‍ ഉണ്ട്.
അടുത്തിടെ മകള്‍ക്കൊപ്പം സെല്‍ഫിക്ക് മോദി ആഹ്വാനം ചെയ്ത വാര്‍ത്ത റിപ്പോര്‍ട്ട് ചെയ്യാന്‍ ന്യൂയോര്‍ക്ക് ടൈംസ് ഉപയോഗിച്ച ഫോട്ടോ ദിഗ് വിജയ്‌സിംഗിന്റെയും അമൃതയുടെയുമായിരുന്നു. മകളെന്ന് കരുതിയാണ് ന്യൂര്‍ക്ക് ടൈംസ് ഈ ഫോട്ടോ പ്രസിദ്ധീകരിച്ചത്.
നേരത്തെ സിംങും അമൃതയും തമ്മിലുള്ള ഫോട്ടോകള്‍ ഇന്റര്‍നെറ്റില്‍ പ്രചരിച്ചിരുന്നു. ഇതിനു പിന്നാലെ താന്‍ അമൃതയെ വിവാഹം കഴിക്കുകയാണെന്ന് വെളിപ്പെടുത്തി. ഭര്‍ത്താവുമായി നിയമപരമായി പിരിഞ്ഞ ശേഷം ദിഗ് വിജയ്‌സിംഗിനെ വിവാഹം ചെയ്യുമെന്ന് അമൃത റായും വ്യക്തമാക്കിയിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha