അതിര്ത്തിയില് പാക്കിസ്ഥാന് വീണ്ടും വെടിനിര്ത്തല് കരാര് ലംഘിച്ചു, വെയ്പ്പില് ഒരാള് കൊല്ലപ്പെട്ടു
അതിര്ത്തിയില് പാക്കിസ്ഥാന് വീണ്ടും വെടിനിര്ത്തല് കരാര് ലംഘിച്ചു. ജമ്മു കശ്മീരിലെ പൂഞ്ച് മേഖലയിലുണ്ടായ പാക് വെടിവെപ്പില് ഒരു ഗ്രാമീണന് കൊല്ലപ്പെട്ടു. ഏഴ് പേര്ക്ക് പരുക്കേറ്റു. ഇന്നലെ രാത്രി പതിനൊന്ന് മണിയോടെയാണ് പൂഞ്ച് മേഖലയില് പാക് സൈന്യം വെടിനിര്ത്തല് കരാര് ലംഘിച്ചത്. വെടിവയ്പ്പിന് പുറമെ കടുത്തഷെല്ലാക്രമണവും, ഗ്രനേഡാക്രമണവും ഉണ്ടായതായി ബി.എസ്.എഫ് വൃത്തങ്ങള് പറഞ്ഞു.
ഇന്ത്യയുടെയും പാക്കിസ്ഥാന്റെയും അതിര്ത്തി സുരക്ഷ സേനയുടെ തലവന്മാര് തമ്മിലുള്ള ചര്ച്ച ബുധനാഴ്ച ആരംഭിക്കാനിരിക്കെയാണ് പാക്കിസ്ഥാന്റെ അക്രമണം ഉണ്ടായിരിക്കുന്നത്. അഞ്ചു ദിവസത്തെ ചര്ച്ചയാണ് ഡല്ഹിയില് നടക്കുന്നത്. വെടിനിര്ത്തല് കരാര് ലംഘനം കൂടാതെ നുഴഞ്ഞുകയറ്റ ശ്രമം, കള്ളക്കടത്ത് തുടങ്ങിയ വിഷയങ്ങള് ഇന്ത്യ ചര്ച്ചയില് ഉന്നയിക്കുമെന്നാണ് സൂചന. യോഗം 13ന് അവസാനിക്കും.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
