താന്‍ കുഴിച്ച കുഴിയില്‍ താന്‍ തന്നെ എന്നു പറഞ്ഞ അവസ്ഥയിലായി മലയാളി ടെക്കി. അതി ബുദ്ധി തിരിഞ്ഞുകൊത്തുമെന്ന് അയാള്‍ സ്വപ്‌നത്തില്‍പ്പോലും കരുതിയില്ല. സുഹൃത്തിനെ കുടുക്കി ഭാര്യയെ സ്വന്തമാക്കാന്‍ വിമാനത്താവളത്തിലേക്കു മലയാളിയായ സോഫ്റ്റ് വെയര്‍ എന്‍ജിനീയര്‍ ഭീഷണി സന്ദേശം അയച്ച കേസ് വഴിത്തിരിവില്‍. പിടിയിലായ എം ജി ഗോകുല്‍ സ്വന്തം ഭാര്യയെ കൊലപ്പെടുത്തിയതായി പൊലീസിനോടു സമ്മതിച്ചതായി സൂചന. ബംഗളുരു, ദില്ലി വിമാനത്താവളങ്ങളിലേക്കു സുഹൃത്തിന്റെ പേരിലെടുത്ത സിംകാര്‍ഡില്‍നിന്ന് സന്ദേശം അയച്ച കേസില്‍ ഇന്നലെയാണ് ഐബിഎമ്മില്‍ എന്‍ജിനീയറായ എം ജി ഗോകുല്‍ അറസ്റ്റിലായത്.
അയല്‍വാസിയും സുഹൃത്തും ജൂനിപെര്‍ നെറ്റ്‌വര്‍ക്‌സ് എന്ന കമ്പനിയിലെ എന്‍ജിനീയറുമായ സാജു ജോസിന്റെ പേരിലുള്ള സിമ്മില്‍നിന്നാണ് ഗോകുല്‍ ബംഗളുരു, ദില്ലി വിമാനത്താവളങ്ങളിലേക്കു വാട്‌സ് ആപ്പില്‍ സന്ദേശം അയച്ചത്. സാജു ജോസിനെ കുടുക്കി സാജുവിന്റെ ഭാര്യയെ സ്വന്തമാക്കുകയായിരുന്നു ഗോകുലിന്റെ ലക്ഷ്യം. ഇതിനായി സാജുവിന് ഇസ്ലാമിക് സ്‌റ്റേറ്റ് ഭീകര സംഘടനയുമായി ബന്ധമുണ്ടെന്നു വരുത്തുകയും ചെയ്തു. സൗദി അറോബ്യയിലേക്കുള്ളവിമാനങ്ങളില്‍ ബോംബ് വച്ചിട്ടുണ്ടെന്നായിരുന്നു സന്ദേശത്തിന്റെ ഉള്ളടക്കം. തുടര്‍ന്നു നിരവധി വിമാനങ്ങളുടെ സര്‍വീസ് മുടങ്ങി. ഇതുമൂലം നൂറു കോടി രൂപയുടെ നഷ്ടമുണ്ടായെന്നാണ് കണക്ക്. 1250 ജനങ്ങള്‍ ബുദ്ധിമുട്ടിലാവുകയും ചെയ്തു. ഇന്നലെ പൊലീസ് നടത്തിയ അന്വേഷണത്തില്‍ ഗോകുലാണ് സന്ദേശം അയച്ചതെന്നു കണ്ടെത്തുകയും അറസ്റ്റ് ചെയ്യുകയായിരുന്നു.
ഇന്നു രാവിലെ ചോദ്യം ചെയ്യലിലാണ് ജൂലൈ 27ന് പശ്ചിമബംഗാള്‍ സ്വദേശിയായ ഭാര്യയെ താന്‍ കൊലപ്പെടുത്തിയതായി ഗോകുല്‍ സമ്മതിച്ചത്. വിമാനത്താവളത്തിനു സാമ്പത്തിക നഷ്ടമുണ്ടാക്കിയതിനും ഭീഷണിപ്പെടുത്തിയതിനും കൊലപാതകത്തിനും പ്രത്യേകം പ്രത്യേകം കേസെടുക്കുമെന്നു ബംഗളുരു പൊലീസ് അറിയിച്ചു.
ഏഴു വര്‍ഷം മുമ്പാണ് പശ്ചിമബംഗാള്‍ സ്വദേശിനിയെ ഗോകുല്‍ വിവാഹം കഴിച്ചത്. ഈ ബന്ധത്തില്‍ ഒരു മകളുണ്ട്. കഴിഞ്ഞ കുറേക്കാലമായി ഇരുവരുടെയും ബന്ധം മോശമായിരുന്നെന്നും വഴക്കു പതിവായിരുന്നെന്നും പൊലീസ് പറഞ്ഞു. സാജുവിന്റെ ഭാര്യയില്‍ ഗോകുലിന് താല്‍പര്യം വന്നതോടെ കുടുംബബന്ധം തകര്‍ച്ചയിലെത്തുകയായിരുന്നു. ജൂലൈ ഇരുപത്തേഴിന് താന്‍ ഉറങ്ങുമ്പോള്‍ ഭാര്യ ജീവനൊടുക്കി എന്നായിരുന്നു ഗോകുല്‍ അയല്‍വാസികളെ വിശ്വസിപ്പിച്ചിരുന്നത്. ഇന്നലെ, ഭീഷണി സന്ദേശക്കേസില്‍ അറസ്റ്റിലായതോടെയാണ് കൊലപാതക കഥ ചുരുളഴിഞ്ഞത്.
ഭാര്യ മദ്യത്തിന് അടിമയായിരുന്നെന്നും മറ്റൊരു ബന്ധമുണ്ടായിരുന്നെന്നുമാണ് കൊലപാതകത്തിന് കാരണമായി ഗോകുല്‍ പൊലീസിനോടു പറഞ്ഞത്. ഭാര്യയുടെ ശരീരത്തിലുണ്ടായിരുന്ന മുറിവുകള്‍ പൊലീസിന് സംശയമുണര്‍ത്തുകയും ചോദ്യം ചെയ്യുകയുമായിരുന്നു. കേസ് ബംഗളുരു പൊലിസിലെ സെന്‍ട്രല്‍ െ്രെകം ബ്രാഞ്ചിനു കൈമാറി.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha