ഹരിയാനയില് പഞ്ചായത്ത് തിരഞ്ഞെടുപ്പില് മത്സരിക്കുന്ന സ്ഥാനാര്ത്ഥികള്ക്ക് മിനിമം യോഗ്യത നിശ്ചയിച്ചു
പഞ്ചായത്ത് തിരഞ്ഞെടുപ്പില് മത്സരിക്കുന്ന സ്ഥാനാര്ഥികള്ക്ക് മിനിമം യോഗ്യത നിശ്ചയിച്ച് ഹരിയാന സര്ക്കാര്. ഇതു സംബന്ധിച്ച ബില്ല് നിയമസഭ പാസാക്കി. പഞ്ചായത്ത് തിരഞ്ഞടുപ്പില് ജനറല് വിഭാഗത്തില് മത്സരിക്കുന്ന സ്ഥാനാര്ഥികള്ക്ക് മെട്രികുലേഷനും, ജനറല് വിഭാഗത്തില്പെട്ട വനിതകള്ക്കും സംവരണവിഭാഗത്തിനും എട്ടാം ക്ലാസുമാണ് യോഗ്യതയായി നിശ്ചയിച്ചിരിക്കുന്നത്.
എന്നാല് സംവരണ വിഭാഗത്തില്പെട്ട സ്ത്രീകള്ക്ക് മത്സരിക്കാനുള്ള യോഗ്യത അഞ്ചാം ക്ലാസ് പാസാണ്. കോണ്ഗ്രസിന്റെയും മുഖ്യപ്രതിപക്ഷമായ ഐഎന്എല്ഡിയുടെയും എതിര്പ്പുകള്ക്കിടയിലാണ് ഹരിയാന നിയമസഭ ഹരിയാന പഞ്ചായത്ത് രാജ് ബില്ല് 2015 പാസാക്കിയത്.
പഞ്ചായത്ത് തലത്തില് മത്സരിക്കുന്ന സ്ഥാനാര്ഥികള്ക്ക് വിദ്യാഭ്യാസ യോഗ്യത നിശ്ചിയിക്കുന്ന രണ്ടാമത്തെ സംസ്ഥാനമാണ് ഹരിയാന. ആദ്യ സംസ്ഥാനം രാജസ്ഥാനായിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
