കേന്ദ്രസര്‍ക്കാര്‍ ജീവനക്കാരുടെ ഡി.എയില്‍ ആറു ശതമാനം വര്‍ദ്ധനവ് വരുത്തിയേക്കുമെന്ന് ചില റിപ്പോര്‍ട്ടുകള്‍ സൂചിപ്പിക്കുന്നു. ഇന്നു ചേരുന്ന കേന്ദ്രമന്ത്രിസഭാ യോഗത്തില്‍ ഇതു സംബന്ധിച്ച് തീരുമാനമുണ്ടാകുമെന്ന് പ്രതീക്ഷിക്കപ്പെടുന്നു. നിലവില്‍ 113 ശതമാനമാണ് ഡി.എ. ഇത് 119 ശതമാനമായി ഉയര്‍ത്താനുള്ള ശിപാര്‍ശയാണ് മന്ത്രിസഭയുടെ പരിഗണനയിലുള്ളത്.

ജൂലൈ ഒന്നു മുതല്‍ മുന്‍കാല പ്രാബല്യത്തോടെയായിരിക്കും ഡി.എ അനുവദിക്കുക. 48 ലക്ഷത്തോളം വരുന്ന സര്‍ക്കാര്‍ ജീവനക്കാര്‍ക്കും 55 ലക്ഷത്തോളമുള്ള പെന്‍ഷന്‍കാര്‍ക്കും ഇതിന്റെ പ്രയോജനം ലഭിക്കും.

നേരത്തെ ഏപ്രില്‍ മാസത്തിലും ആറു ശതമാനം ഡി.എ അനുവദിച്ചിരുന്നു. അടിസ്ഥാന ശമ്പളത്തിന്റെ ആറു ശതമാനം ഡി.എ ജനുവരി മുതല്‍ മുന്‍കാല പ്രാബല്യത്തോടെയാണ് അനുവദിച്ചത്. രാജ്യത്തെ മൊത്തവില സൂചികയുടെ അടിസ്ഥാനത്തിലാണ് ഡി.എ അനുവദിക്കുക.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha