രാജസ്ഥാനില്‍ മാംസാഹാരം വില്‍ക്കുന്നതിനു മൂന്നു ദിവസത്തെ നിരോധനം. ജൈനമതക്കാരുടെ ഉത്സവം പ്രമാണിച്ചാണ് സര്‍ക്കാര്‍ നിരോധനം ഏര്‍പ്പെടുത്തിയത്. ഈ മാസം 17, 18, 27 എന്നീ ദിവസങ്ങളിലാണ് സംസ്ഥാനത്ത് മാംസാഹാരം വില്‍ക്കുന്നത് നിരോധിച്ചത്. മാംസാഹാരത്തിനൊപ്പം മദ്യത്തിനും വിലക്കേര്‍പ്പെടുത്തിയിട്ടുണ്ട്.
കഴിഞ്ഞ ദിവസം ജൈനമതക്കാരുടെ ഉത്സവം പ്രമാണിച്ചു മുംബൈയില്‍ നാലു ദിവസത്തേക്ക് എല്ലാത്തരം മാംസത്തിനും നിരോധനം ഏര്‍പ്പെടുത്തിയിരുന്നു. മുംബൈ മുന്‍സിപ്പല്‍ കോര്‍പറേഷനാണു തീരുമാനമെടുത്തിരുന്നത്. നിരോധനത്തിനെതിരേ ശിവസേന ഉള്‍പ്പെടെയുള്ള പാര്‍ട്ടികള്‍ രംഗത്തെത്തിയിരുന്നു.