ഡല്‍ഹിയില്‍ വീണ്ടുമൊരു കൂട്ടമാനഭംഗം. എല്ലാവരെയും അതിശയിപ്പിക്കുന്ന ശിക്ഷയാണ് നാട്ടുക്കാര്‍ ചേര്‍ന്ന് യുവാക്കള്‍ക്ക് നല്‍കിയത്. പതിനൊന്നാം ക്ലാസ് വിദ്യാര്‍ത്ഥിനിയെ തട്ടിക്കൊണ്ടുപോയി മാനഭംഗപ്പെടുത്തിയ യുവാക്കളെ ജനക്കൂട്ടം തല്ലിച്ചതച്ച് തലമൊട്ടയടിക്കുകയായിരുന്നു. ഡല്‍ഹിയിലെ അമന്‍ വിഹാറില്‍ ഞായറാഴ്ചയാണ് സംഭവം. രാവിലെ നടക്കാന്‍ പോയ പെണ്‍കുട്ടിയെ നൗഷാദ്, മുഹമ്മദ് എന്നീ യുവാക്കള്‍ ചേന്ന് തട്ടിക്കൊണ്ടു പോയി ഇവര്‍ താമസിക്കുന്ന വാടകവീട്ടില്‍ എത്തിച്ച് കൂട്ടമാനഭംഗത്തിനിരയാക്കുകയായിരുന്നു.

കൃത്യത്തിന് ശേഷം പെണ്‍കുട്ടിയുടെ കൈയും കാലും കെട്ടിയിടുകയും വായില്‍ തുണി തിരുകുകയും ചെയ്ത ശേഷം ഇവര്‍ വീട് പൂട്ടി പുറത്തുപോയി. ഏറെ സമയമായിട്ടും പെണ്‍കുട്ടി വീട്ടിലെത്താതിരുന്നതിനെ തുടര്‍ന്ന് വീട്ടുകാരും നാട്ടുകാരും കുട്ടിയെ അന്വേഷിച്ചിറങ്ങി. നൗഷാദിന്റെ വീടിന് മുന്നിലെത്തിയപ്പോള്‍ പുറത്ത് നിന്നും പൂട്ടിയ വീടിനുള്ളില്‍ വെളിച്ചം കണ്ടപ്പോള്‍ സംശയം തോന്നി നാട്ടുകാര്‍ വാതില്‍ ചവിട്ടിത്തുറന്നപ്പോളാണ് കുട്ടിയെ കണ്ടെത്തിയത്.

കുപിതരായ ജനക്കൂട്ടം യുവാക്കളെ തല്ലിച്ചതയ്ക്കുകയും തലമൊട്ടയടിക്കുകയും ചെയ്ത ശേഷം പൊലീസിലേല്‍പ്പിച്ചു. ഇരുവരേയും അറസ്റ്റ് ചെയ്തിട്ടുണ്ടെന്നും ഇരുവര്‍ക്കുമെതിരെ പീഡനകേസ് രജിസ്റ്റര്‍ ചെയ്തിട്ടുണ്ടെന്നും പൊലീസ് അറിയിച്ചു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha