അശ്ലീലചിത്രങ്ങള് കാണാറുണ്ടെന്നു പറഞ്ഞ മഹാരാഷ്ട മന്ത്രി പുലിവാലു പിടിച്ചു
മൊബൈല് ഫോണില് അശ്ലീലചിത്രങ്ങള് കാണാറുണ്ടെന്നു പറയാതെ പറഞ്ഞ് മഹാരാഷ്ട്രയിലെ മുതിര്ന്ന ബി.ജെ.പി. നേതാവും മന്ത്രിയുമായ ഗിരീഷ് ബാപട്ട് പുലിവാലു പിടിച്ചു.\'നിങ്ങള് മൊബൈല് ഫോണില് രാത്രി കാണുന്നത് എന്തെന്ന് എനിക്കറിയാം, ഞാനും അതു കാണാറുണ്ട്. എനിക്കു വയസായെന്നാകും നിങ്ങളുടെ ചിന്ത. പക്ഷേ മനസു കൊണ്ട് ചെറുപ്പമാണ്\'. വെള്ളിയാഴ്ച പുനെയില് വിദ്യാര്ഥികളുടെ കണ്വന്ഷനില് ബാപട്ട് നടത്തിയ പ്രസംഗം സാമൂഹിക മാധ്യമങ്ങളില് പരക്കെ പ്രചരിക്കപ്പെട്ടതോടെ മന്ത്രിയുടെ രാജിക്ക് ആവശ്യമുയര്ന്നു. പോലീസിനു മുന്നില് പരാതിയും എത്തി. സഖ്യകക്ഷിയായ ശിവസേന അടക്കം വിമര്ശിച്ചതോടെ ബി.ജെ.പിക്ക് ഉത്തരംമുട്ടുകയും ചെയ്തു. താന് വിദ്യാര്ഥികളുടെ സമ്മേളനത്തില് സരസമായി സംസാരിക്കുക മാത്രമാണു ചെയ്തതെന്നും അശ്ലീലം പറയാന് ഉദ്ദേശിച്ചിരുന്നില്ലെന്നുമാണ് ബാപട്ടിന്റെ വിശദീകരണം.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
