സ്വന്തം ജീവനെ അവഗണിച്ച് മറ്റൊരു ജീവന്‍ രക്ഷിക്കാന്‍ തയ്യാറായ പോലീസുകാരന് കൈയ്യടി. കുംഭമേള നടക്കുന്ന നാസിക്കില്‍ നിന്നുള്ള ഒരു പൊലീസുകാരന്റെ സാഹസിക കൃത്യം സമൂഹ മാധ്യമങ്ങളില്‍ വൈറലാവുകയാണ്. നാസിക്കിലെ ഒരു പാലത്തില്‍ നിന്നും ഒരാള്‍ ആത്!മഹത്യ ചെയ്യാനായി ഗോദാവരി നദിയിലേക്ക് ചാടി. ഇതു കണ്ട പൊലീസ് ഉദ്യോഗസ്ഥനും ഇരുപതടി ഉയരത്തില്‍ നിന്നും പുഴയിലേക്ക് ചാടി ഇയാളെ രക്ഷിക്കുന്ന വിഡിയോയും ചിത്രങ്ങളുമാണ് ഇപ്പോള്‍ ഹിറ്റായിരിക്കുന്നത്. മനോജ് ഭാരതേയാണ് സ്വന്തം ജീവന്‍ പോലും പണയം വെച്ച് നദിയിലേക്ക് എടുത്തു ചാടിയ പൊലീസുകാരന്‍. സുരക്ഷാ ക്യാമറകളിലാണ് ദൃശ്യങ്ങള്‍ പതിഞ്ഞിരിക്കുന്നത്.
ഒരാള്‍ കുംഭമേള നടക്കുന്ന സ്ഥലത്തെ അമര്‍ധാം പാലത്തിനു മുകളിലൂടെ നടക്കുന്നതും പിന്നീട് ഇയാള്‍ പുഴയിലേക്ക് ചാടുന്നതുമാണ് വിഡിയോയില്‍ ഉള്ളത്. അപകടം മണത്തറിഞ്ഞ മനോജ് ഭാരതേ ഷൂസ് ഊരി മാറ്റി പഴ്‌സും മറ്റും മറ്റൊരു പൊലീസുകാരനെ ഏല്‍പ്പിച്ച് നദിയിലേക്ക് ചാടി ആത്മഹത്യയ്ക്ക് ശ്രമച്ചയാളുടെ ജീവന്‍ രക്ഷിച്ചു. ഇങ്ങനെയും പോലീസുകാര്‍ ഉണ്ട്. എല്ലാവരെയും ഒരുപോലെ അളക്കരുത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha