രാജ്യത്തെ 25ാം മുഖ്യ തെരഞ്ഞെടുപ്പ് കമ്മീഷണറായി രാജീവ് കുമാര് ചുമതലയേറ്റു... വിരമിക്കുന്ന സുശീല് ചന്ദ്രയ്ക്ക് പകരമാണ് രാജീവ് കുമാര് ചുമതലയേറ്റത്, 2024ലെ ലോക്സഭാ തെരഞ്ഞെടുപ്പും നിര്ണായക നിയമസഭാ
രാജ്യത്തെ 25ാം മുഖ്യ തെരഞ്ഞെടുപ്പു കമ്മിഷണര് ആയി രാജീവ് കുമാര് ചുമതലയേറ്റു. വിരമിക്കുന്ന സുശീല് ചന്ദ്രയ്ക്ക് പകരമാണ് രാജീവ് കുമാര് ചുമതലയേറ്റത്. 2025 ഫെബ്രുവരി വരെ ഇദ്ദേഹം പദവിയില് തുടരും. 2024ലെ ലോക്സഭാ തെരഞ്ഞെടുപ്പും നിര്ണായക നിയമസഭാ തെരഞ്ഞെടുപ്പുകള്ക്കും നേതൃത്വം വഹിക്കും.
'ഒരു രാജ്യം, ഒറ്റ തിരഞ്ഞെടുപ്പ്' തീരുമാനത്തിന്റെ കാര്യത്തിലും പുതിയ സിഇസിയുടെ നിലപാട് പ്രധാനമാകും. ബിഹാര്/ജാര്ഖണ്ഡ് കേഡറില് നിന്നുള്ള 1984 ബാച്ചിലെ ഐഎഎസ് ഉദ്യോഗസ്ഥനാണ് രാജീവ് കുമാര്. 2020 ഫെബ്രുവരിയിലാണ് ഇദ്ദേ?ഹം ഐഎഎസില് നിന്ന് വിരമിച്ചത്.
1960 ഫെബ്രുവരി 19 ന് ജനിച്ച കുമാര്, ബിഎസ്സി, എല്എല്ബി, പിജിഡിഎം, പബ്ലിക് പോളിസിയില് ബിരുദാനന്തര ബിരുദം എന്നിവയുള്പ്പെടെ വിവിധ ബിരുദങ്ങള് നേടി്. കൂടാതെ, കേന്ദ്ര സംസ്ഥാന സര്ക്കാരുകള്ക്ക് കീഴില് 37 വര്ഷത്തിലേറെ കാലത്തേ സേവന പരിചയവും അദ്ദേഹത്തിനുണ്ട്.
സെന്ട്രല് ബോര്ഡ് ഓഫ് റിസര്വ് ബാങ്ക് ഓഫ് ഇന്ത്യ , എസ്ബിഐ, നബാര്ഡ് എന്നിവയുടെ ഡയറക്ടറായി പ്രവര്ത്തിച്ചിട്ടുള്ള ഇദ്ദേഹം സാമ്പത്തിക ഇന്റലിജന്സ് കൗണ്സില്, സാമ്പത്തിക സ്ഥിരത വികസന കൗണ്സില് ( ബാങ്ക് ബോര്ഡ് ബ്യൂറോ, ഫിനാന്ഷ്യല് സെക്ടര് റെഗുലേറ്ററി അപ്പോയിന്റ്മെന്റ് സെര്ച്ച് കമ്മിറ്റി), സിവില് സര്വീസ് ബോര്ഡ്, തുടങ്ങിയ ബോര്ഡുകളിലും കമ്മിറ്റികളിലും അംഗമായിരുന്നു.
ഏകദേശം 18 ലക്ഷം കേന്ദ്ര സര്ക്കാര് ജീവനക്കാര്ക്ക് പ്രയോജനം ചെയ്യുന്ന ദേശീയ പെന്ഷന് സമ്പ്രദായം നടപ്പിലാക്കിയതിന് പിന്നിലും രാജീവ് കുമാര് പ്രത്യേക പങ്ക് വഹിച്ചിട്ടുണ്ട്. സാമ്പത്തിക മേഖലയിലെ ലയനങ്ങളും ഏറ്റെടുക്കലുകളും വിഭാവനം ചെയ്യുന്നതിലും നടപ്പിലാക്കുന്നതിലും നിര്ണായക പങ്കുവഹിച്ചതിന് അദ്ദേഹത്തിന് പ്രത്യേക ബഹുമതി കിട്ടിയിട്ടുണ്ട്.
"
https://www.facebook.com/Malayalivartha