ബിഹാര് നിയമസഭ തെരഞ്ഞെടുപ്പിന്റെ ആദ്യഘട്ട വോട്ടെടുപ്പ് ആരംഭിച്ചു, പോളിങ് വൈകിട്ട് അഞ്ച് മണിവരെ
രാജ്യം വളെയേറെ ആകാംഷയോടെ കാത്തിരുന്ന ബിഹാര് നിയമസഭാ തെരഞ്ഞെടുപ്പിന്റെ ആദ്യഘട്ട വോട്ടെടുപ്പ് ആരംഭിച്ചു. പല ബൂത്തുകള്ക്ക് മുന്നിലും വോട്ടര്മാരുടെ നീണ്ട ക്യൂ പ്രത്യക്ഷമാണ്. എന്നാല് മറ്റു ചില ബൂത്തുക്കളില് വോട്ടര്മാര് ഇതുവരെ എത്തിയിട്ടില്ല. 49 മണ്ഡലങ്ങളിലെ 1.35 കോടി വോട്ടര്മാര് സമ്മതിദാനാവകാശം വിനിയോഗിക്കും. രാവിലെ ഏഴുമുതല് വൈകിട്ട് അഞ്ചുവരെയാണ് സമയമെങ്കിലും മാവോയിസ്റ്റ് മേഖലകളില് നാലുമണിയോടെ വോട്ടെടുപ്പ് അവസാനിക്കും. അര്ധസൈനിക വിഭാഗങ്ങള് ഉള്പ്പെടെ ആയിരക്കണക്കിന് ഉദ്യോഗസ്ഥരെയാണ് സുരക്ഷയ്ക്കായി നിയോഗിച്ചിരിക്കുന്നത്.
ആകെ 586 സ്ഥാനാര്ഥികളാണ് രംഗത്തുള്ളത്. ബിജെപി (27), ജെഡിയു (24), ആര്ജെഡി (17), എല്ജെപി (13), കോണ്ഗ്രസ് (8), ബിഎസ്പി (41), ആര്എല്എസ്പി (6), എച്ച്എഎം (3), സിപിഐ (25), സിപിഎം (12) എന്നിങ്ങനെയാണ് വിവിധ കക്ഷികള് സ്ഥാനാര്ഥികളെ നിര്ത്തിയിട്ടുള്ളത്. പ്രധാനമന്ത്രി നരേന്ദ്ര മോദിയുടെ നേതൃത്വത്തില് എന്ഡിഎ സഖ്യവും മുഖ്യമന്ത്രി നിതീഷ് കുമാര്, ആര്ജെഡി നേതാവ് ലാലു പ്രസാദ് യാദവ് എന്നിവരുടെ നേതൃത്വത്തില് മതനിരപേക്ഷ സഖ്യവും വാശിയേറിയ പ്രചാരണത്തിലാണ്.
ഇതിനിടെ, ഇന്നു ബാബുവയില് പ്രധാനമന്ത്രി നരേന്ദ്ര മോദിയുടെ റാലിക്ക് തിരഞ്ഞെടുപ്പു കമ്മിഷന് അനുമതി നല്കി. കൈമൂര് ജില്ലാ മജിസ്ട്രേട്ട് റാലിക്ക് അനുമതി നിഷേധിച്ചിരുന്നെങ്കിലും തിരഞ്ഞെടുപ്പു കമ്മിഷന്റെ അനുമതി ലഭിച്ചതോടെ വിലക്കു നീക്കുകയായിരുന്നു. വോട്ടെടുപ്പു നടക്കുന്ന ദിവസം സമീപ മണ്ഡലങ്ങളില് പ്രധാനമന്ത്രി റാലികളില് പങ്കെടുക്കുന്നതും അത് തല്സമയം സംപ്രേഷണം ചെയ്യുന്നതും വോട്ടര്മാരെ സ്വാധീനിക്കുമെന്ന് ആരോപിച്ച് മതനിരപേക്ഷ സഖ്യം രംഗത്തെത്തിയിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
