പുസ്തക പ്രകാശനം: മുന് വിദേശകാര്യമന്ത്രിയ്ക്ക് നേരെ കരി മഷി പ്രയോഗം
പാക്കിസ്ഥാന് മുന് വിദേശകാര്യമന്ത്രി ഖുര്ഷിദ് മഹമൂദ് കസൂരിയ്ക്ക് നേരെ കരി മഷി പ്രയോഗം. പരിപാടിയുടെ മുഖ്യ സംഘാടകന് നേരെ ശിവസേന പ്രവര്ത്തകര് കരി മഷി പ്രയോഗം നടത്തി. പരിപാടിയുടെ മുഖ്യസംഘാടകനും ഒബ്സര്വര് ആന്ഡ് റിസര്ച്ച് ഫൗണ്ടേഷന്റെ ചെയര്മാനുമായ സുധീന്ദ്ര കുല്ക്കര്ണിക്ക് നേരെയാണ് അക്രമം ഉണ്ടായത്. പരിപാടി റദ്ദാക്കണമെന്ന ശിവസേനയുടെ ഭീഷണി വകവയ്ക്കാതെയാണ് നടപടി.
രാവിലെ വീടിന് മുന്നിലെത്തിയ ഒരു സംഘമാളുകള് തന്നോട് മോശമായ ഭാഷയില് സംസാരിക്കുകയും മുഖത്തും ദേഹത്തും കറുത്ത മഷി ഒഴിക്കുകയുമായിരുന്നുവെന്ന് കുല്ക്കര്ണി ടെലിവിഷന് ചാനലിനോട് പറഞ്ഞു. എട്ടോളം ശിവസേന പ്രവര്ത്തകരാണ് ആക്രമണം നടത്തിയതെന്നും അദ്ദേഹം പറഞ്ഞു.
പരിപാടിയുടെ മുഖ്യസംഘാടകനും ഒബ്സര്വര് ആന്ഡ് റിസര്ച്ച് ഫൗണ്ടേഷന്റെ ചെയര്മാനുമായ സുധീന്ദ്ര കുല്ക്കര്ണ്ണി ഇന്നലെ ശിവസേന നേതാവ് ഉദ്ധവ് താക്കറെയുമായി ചര്ച്ച നടത്തിയിരുന്നു. പുസ്തകപ്രകാശനം തടസപ്പെടുത്തരുതെന്നും ശിവസേനയുടെ ഭീഷണി പിന്വലിക്കണമെന്നും സുധീന്ദ്ര കുല്ക്കര്ണ്ണി ഉദ്ധവിനോട് അഭ്യര്ഥിച്ചിരുന്നു. എന്നാല് ഇന്നു രാവിലെ ശിവസേന പ്രവര്ത്തകര് സുധീന്ദ്ര കുല്ക്കര്ണ്ണിയുടെ മേല് കറുത്ത മഷി ഒഴിക്കുകയായിരുന്നു.
അതേസമയം, കൃത്യമായ വിസയുമായി എത്തുന്ന എല്ലാ വിദേശിയര്ക്കും നയതന്ത്ര ഉദ്യോഗസ്ഥര്ക്കും സുരക്ഷ നല്കുമെന്ന് മഹാരാഷ്ട്ര മുഖ്യമന്ത്രി ദേവേന്ദ്ര ഫഡ്നാവിസ് പറഞ്ഞു. പുസ്തക പ്രകാശനത്തിന് ആവശ്യമായ എല്ലാ സുരക്ഷയും നല്കുമെന്നും അദ്ദേഹം വ്യക്തമാക്കി. ഇന്ത്യയ്ക്കെതിരായ ഒരു പരിപാടിയും സംഘടിപ്പിക്കാന് അനുവദിക്കില്ലെന്നും അങ്ങിനെ സംഭവിച്ചാല് സംഘാടകര്ക്കാണ് ഉത്തരവാദിത്വമെന്നും ഫഡ്നാവിസ് മുന്നറിയിപ്പ് നല്കി.
\'നെയ്ദര് എ ഹോക്ക് നോര് എ ഡവ്: ആന് ഇന്സൈഡേഴ്സ് അക്കൗണ്ട് ഓഫ് പാക്കിസ്ഥാന്സ് ഫോറിന് പോളിസി\' എന്ന ഗ്രന്ഥത്തിന്റെ പ്രകാശനച്ചടങ്ങ് വര്ളി നെഹ്റു സെന്ററിലാണ് നിശ്ചയിച്ചിരിക്കുന്നത്. തുടര്ന്നു നടക്കുന്ന പാനല് ചര്ച്ചയില് എ.ജി. നൂറാനി, നസീറുദ്ദീന് ഷാ, ദിലീപ് പഡ്ഗാവ്ക്കര് എന്നിവര് പങ്കെടുക്കും.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
