ഇന്ത്യയും ചൈനയും സംയുക്ത ഭീകരവിരുദ്ധ സൈനികാഭ്യാസം തുടങ്ങി
ചൈനയിലെ കുന്മിങില് ഇന്ത്യയും ചൈനയും സംയുക്ത ഭീകരവിരുദ്ധ സൈനികാഭ്യാസം തുടങ്ങി. സൈനികാഭ്യാസം പത്ത് ദിവസമാണ്. ഇരു സൈന്യങ്ങളും ഇത് അഞ്ചാം തവണയാണ് സംയുക്ത സൈനികാഭ്യാസം നടത്തുന്നത്.
വിജയകരമായ ഭീകരവിരുദ്ധ നടപടികളുടെ അനുഭവം ഇരു സൈന്യങ്ങളും പങ്കു വയ്ക്കും. നാഗ റെജിമെന്റിലെ 175 ട്രൂപ്പുകളാണ് സൈനികാഭ്യാസത്തിനായി കുന്മിങിലെത്തിയത്. നാഗ റെജിമെന്റിലെ ട്രൂപ്പുകളെ ഇന്ത്യന് സൈന്യം ആദ്യമായാണ് സൈനികാഭ്യാസത്തിനായി രംഗത്തിറക്കിയത്.
ഭീകരവിരുദ്ധ നടപടികളില് സഹകരണം ശക്തമാക്കുന്നതിന്റെ ഭാഗമാണ് സംയുക്ത സൈനികാഭ്യാസം. സൈനികാഭ്യാസത്തിന് തുടക്കം കുറിച്ചു കൊണ്ടുള്ള പരിപാടിയില് ഇന്ത്യന് അംബാസഡര് അശോക്.കെ.കാന്ത, നിരീക്ഷക സംഘം തലവന് ലഫ്റ്റനന്റ് ജനറല് സുരീന്ദര് സിംഗ് തുടങ്ങിയവര് പങ്കെടുത്തു.
ചൈനീസ് ഉന്നത സൈനികോദ്യാഗസ്ഥരും ചടങ്ങില് പങ്കെടുത്തു. 2007-ല് തെക്ക് പടിഞ്ഞാറന് ചൈനയിലെ യുനാന് പ്രവിശ്യയിലായിരുന്നു ആദ്യ ഇന്ത്യ - ചൈന സംയുക്ത സൈനികാഭ്യാസം. പിന്നീട് 2008-ല് കര്ണാടകയിലെ ബല്ഗാമിലും 2013-ല് ചൈനയിലെ സിച്ചുവാനിലും 2014-ല് പൂനെയിലുമാണ് ഇന്ത്യയും ചൈനയും സംയുക്ത സൈനികാഭ്യാസം സംഘടിപ്പിച്ചത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
