ബിഹാറില്‍ 49 സീറ്റുകളിലേക്കുളള വോട്ടെടുപ്പ് കഴിഞ്ഞതോടെ അഭിപ്രായ പ്രകടനങ്ങളും അവകാശ വാദങ്ങളുമായി നേതാക്കള്‍ രംഗത്തെത്തി. സമാജ്‌വാദി പാര്‍ട്ടി നേതാവ് മുലായം സിംഗ് യാദവാണ് ആദ്യ വെടി പൊട്ടിച്ചത്. ആദ്യഘട്ടത്തില്‍ രേഖപ്പെടുത്തിയ 57 ശതമാനം പോളിംഗ് ബിജെപിക്ക് അനുകൂലമാണെന്നും ബിജെപി തന്നെയാകും സര്‍ക്കാര്‍ രൂപീകരിക്കുകയെന്നും മുലായം സിംഗ് പറഞ്ഞു.

സംസ്ഥാനത്ത് ബിജെപി തരംഗമുണ്ടാകുമെന്നും തെരഞ്ഞെടുപ്പ് പ്രചാരണ രംഗത്ത് നടത്തിയ മികച്ച പ്രവര്‍ത്തനം സ്ഥിതിഗതികള്‍ ബിജെപിക്ക് അനുകൂലമാക്കുമെന്നും മുലായം സിംഗ് വ്യക്തമാക്കി. ഇന്നലെ നടന്ന ആദ്യ ഘട്ട തെരഞ്ഞെടുപ്പില്‍ 57 ശതമാനം പോളിംഗ് രേഖപ്പെടുത്തിയിരുന്നു. 49 മണ്ഡലങ്ങളിലെ 586 സ്ഥാനാര്‍ഥികളാണ് ആദ്യ ഘട്ടത്തില്‍ മത്സരരംഗത്തുണ്ടായിരുന്നത്. 54 വനിതകളും മത്സരരംഗത്തുണ്ടായിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha