ആ സംഭവം നിര്ഭാഗ്യകരം... ദാദ്രി സംഭവത്തില് നിലപാടറിയിച്ച് മോഡി, സംഭവം ദൗര് ഭാഗ്യകരമാണെന്നും ഇത്തരം സംഭവങ്ങളെ ബിജെപി അനുകൂലിക്കുന്നില്ലെന്നും മോഡി
ദാദ്രി സംഭവത്തില് പ്രധാന മന്ത്രി നരേന്ദ്ര മോദി നിലപാടറിയിച്ച് രംഗത്തെത്തി. സംഭവം ദൗര് ഭാഗ്യകരമാണെന്നും ഇത്തരം സംഭവങ്ങളെ ബിജെപി അനുകൂലിക്കുന്നില്ലെന്നും നരേന്ദ്ര മോദി പറഞ്ഞു. സംഭവത്തെ പ്രതിപക്ഷം രാഷ്ട്രീയവത്കരിക്കുകയാണ്. ഇതില് കേന്ദ്ര സര്ക്കാരിന്റെ പങ്ക് എന്താണെന്നും മോദി ചോദിച്ചു. പാക്കിസ്ഥാനി ഗസല് ഗായകന് ഗൂലാം അലിയുടെ സംഗീത പരിപാടി മാറ്റി വെക്കേണ്ടി വന്നത് ദൗര്ഭാഗ്യകരമാണ്. ഇതിനെയും രാഷ്ട്രീയ വത്കരിക്കാനാണ് പലരും ശ്രമിക്കുന്നത്. കപട മതേതരവാദത്തെ എതിര്ത്ത് തോല്്പിക്കേണ്ടത് അത്യാവശ്യമാണെന്നും പ്രധാനമന്ത്രി പറഞ്ഞു.
ഉത്തര്പ്രദേശിലെ ദാദ്രിയില് ഗോമാംസം കഴിച്ചെന്ന സംശയം ആരോപിച്ചു അമ്പതുകാരന് മുഹമ്മദ് അഖ്ലാഖിനെ ഒരു ആള്ക്കൂട്ടം മര്ദ്ദിച്ചു കൊലപ്പെടുത്തിയതിനു പിന്നില് വ്യക്തമായ വര്ഗീയ ആസൂത്രണമാണെന്ന് ഇതിന് മുമ്പ് കണ്ടെത്തിയിരുന്നു. ബീഫ് നിരോധിച്ചിട്ടില്ലാത്ത സംസ്ഥാനമാണു യുപിയെങ്കിലും കൊലപാതകികളെ പിടികൂടുന്നതിലേറെ കൊല്ലപ്പെട്ടയാളുടെ ഫ്രിഡ്ജിലെ മാംസം രാസപരിശോധനയ്ക്കു അയയ്ക്കാന് പോലീസ് കാട്ടിയ താത്പര്യവും ശ്രദ്ധേയമായി.
മാംസാഹാരം കഴിക്കാത്ത ശുദ്ധ വെജിറ്റേറിയനായിരുന്ന മഹാത്മാഗാന്ധിയെ വധിച്ച അതേ വര്ഗീയ ഫാസിസമാണു ഇറച്ചി കഴിച്ചെന്ന ആരോപണത്തില് മുഹമ്മദിന്റെ കൊലപാതകത്തിനു പിന്നിലെന്നതാണു വിരോധാഭാസം. വീട്ടിലെ ഫ്രിഡ്ജില് ഉണ്ടായിരുന്നതു ആട്ടിറച്ചിയായിരുന്നുവെന്നും ബീഫ് അല്ലെങ്കില് നിങ്ങള് കൊന്ന എന്റെ ഉപ്പയെ തിരിച്ചുതരാന് കഴിയുമോ എന്നുമുള്ള മുഹമ്മദിന്റെ മകള് സാജിദയുടെ ചോദ്യവും പ്രസക്തമാണ്. ഓരോ ഇന്ത്യക്കാരന്റെയും മനഃസാക്ഷിയോടുള്ള ചോദ്യമാണിത്.
കല്ലും വടികളുമായി പാഞ്ഞെത്തിയ നാട്ടുകാര് ഇവരുടെ വീടു കുത്തിപ്പൊളിക്കുകയും ആ സമയം വീട്ടിലുണ്ടായിരുന്ന സ്ത്രീകളെ പോലും ആക്രമിക്കുകയും ചെയ്തു. മുഹമ്മദിനെ തല്ലിക്കൊന്ന വര്ഗീയവാദികള് 22കാരനായ മകനെയും ക്രൂരമായി മര്ദിച്ചു. മുഹമ്മദിന്റെ പ്രായമായ അമ്മയും ഭാര്യയും മകളും അടങ്ങുന്ന വീട്ടിലെ സ്ത്രീകളെ ഭീഷണിപ്പെടുത്താനും മര്ദിക്കാനും വീട്ടുപകരണങ്ങള് അടിച്ചുതകര്ക്കാനും മറന്നില്ല. തിങ്കളാഴ്ച രാത്രിയാണു സംഭവം.
വീട്ടിലേക്ക് ഇരച്ചുകയറിയ ഒരുസംഘം ക്രൂരമായ ആക്രമണം നടത്തുകയായിരുന്നുവെന്നു മുഹമ്മദിന്റെ ഭാര്യ പറയുന്നു. അക്രമികള് മുഹമ്മദിന്റെ തലയ്ക്കാണ് ആദ്യം അടിച്ചത്. ചുടുകട്ട, ഇരുമ്പുവടി എന്നിവ ഉപയോഗിച്ചുള്ള ആക്രമണത്തില് മുഹമ്മദ് സംഭവസ്ഥലത്തു തന്നെ മരിച്ചു. വീട്ടില് ഉണ്ടായിരുന്നത് ആട്ടിറച്ചിയാണെന്നു മുഹമ്മദിന്റെ മകള് സാജിദ പോലീസിനോടു പറഞ്ഞു. ഫ്രിഡ്ജിലെ ഇറച്ചി പോലീസ് ഫോറന്സിക് പരിശോധനയ്ക്ക് അയച്ചു. 30 വര്ഷമായി ദാദ്രി ഗ്രാമത്തില് താമസിക്കുന്ന കുടുംബത്തിനാണു ദുരനുഭവമുണ്ടായത്.
സര്ക്കാരിന്റെയും ഹിന്ദുത്വ വര്ഗീയവാദികളുടെയും കണക്കുകളില് വെറും ഒരാള് കൊല്ലപ്പെട്ട തീര്ത്തും ഒറ്റപ്പെട്ട സംഭവം മാത്രമെന്നു വിശേഷിപ്പിക്കപ്പെടും. പക്ഷേ, ദാദ്രി സംഭവത്തിന്റെ അലയൊലി രാജ്യത്താകെ കോടിക്കണക്കിനു ന്യൂനപക്ഷങ്ങളില് അസ്വസ്ഥതയും ഭയാശങ്കകളും സൃഷ്ടിക്കാന് സംഭവം കാരണമാകുമെന്നതാണു പുതിയ തന്ത്രത്തിന്റെ അന്തിമഫലം.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
