നേതാജി സുഭാഷ് ചന്ദ്രബോസിന്റെ മരണവുമായി ബന്ധപ്പെട്ട രഹസ്യ രേഖകള്‍ പുറത്തുവിടുമെന്ന് കേന്ദ്ര സര്‍ക്കാര്‍. 2016 ജനുവരി 23നകം രഹസ്യ രേഖകളുടെ ആദ്യഭാഗം പുറത്ത് വിടാനാണ് കേന്ദ്രസര്‍ക്കാര്‍ഉദ്ദേശിക്കുന്നത്. ഇക്കാര്യം പ്രധാനമന്ത്രി ട്വിറ്ററിലൂടെ അറിയിക്കുകയും ചെയ്തു.മരണവുമായിി ബന്ധപ്പെട്ട് 130 ഫയലുകളാണ് കേന്ദ്രത്തിന്റെ പക്കലുള്ളത്.
സ്വാതന്ത്ര്യം ലഭിക്കുന്നതിന് മുമ്പ് നേതാജി വിമാന അപകടത്തില്‍ മരിച്ചു എന്നാണ് ഇന്ത്യാചരിത്രം. എന്നാല്‍ കഴിഞ്ഞ മാസം ബംഗാള്‍ സര്‍ക്കാര്‍ പുറത്തുവിട്ട രേഖകള്‍ പ്രകാരം നേതാജി സ്വാതന്ത്രൃത്തിന് ശേഷവും ജീവിച്ചിരിന്നുവെന്ന് വ്യക്തമാക്കിയിരുന്നു. ഇതിനെതുടര്‍ന്നാണ് നേതാജിയുടെ ബന്ധുക്കള്‍ പ്രധാനമന്ത്രി നരേന്ദ്രമോഡിയെകണ്ട് രേഖകള്‍ പുറത്ത് വിടണമെന്ന് അഭ്യര്‍ഥിച്ചത്.
നേതാജിയുടെ കുടുംബാംഗങ്ങളുമായി നടത്തിയ കൂടിക്കാഴ്ചയില്‍ പ്രധാനമന്ത്രി നരേന്ദ്ര മോഡിയാണ് ഇതുസംബന്ധിച്ച ഇക്കാര്യത്തില്‍ ഉറപ്പു നല്‍കി.നേതാജിയുടെ 119ാം ജന്മദിനമായ 2016 ജനുവരി 23ന് ആദ്യഘട്ട ഫയലുകള്‍ പുറത്തുവിടുമെന്ന് പ്രധാനമന്ത്രി ട്വിറ്ററില്‍ അറിയിച്ചു. നേതാജിയുമായി ബന്ധപ്പെട്ട് 40ലേറെ രഹസ്യ ഫയലുകളാണ് കേന്ദ്രത്തിന്റെ പക്കലുള്ളത്. ചരിത്രം മറച്ചുപിടിക്കേണ്ട ആവശ്യമില്ല. അവരുടെ ചരിത്രം മറക്കേണ്ടതല്ല. തന്നെ നിങ്ങളിലൊരാളായി കാണാന്‍ പ്രധാനമന്ത്രി നേതാജിയുടെ കുടുംബാംഗങ്ങളോട് അഭ്യര്‍ത്ഥിച്ചു. ലോകത്തിന്റെ വിവിധ ഭാഗങ്ങളില്‍ നിന്നായെത്തിയ 32 കുടുംബാംഗങ്ങളാണ് ഇന്നലെ വൈകിട്ട് പ്രധാനമന്ത്രിയുടെ വസതിയില്‍ ഒത്തുചേര്‍ന്നത്.
നേതാജിയുമായി ബന്ധപ്പെട്ട രേഖകള്‍ പരസ്യപ്പെടുത്താന്‍ മറ്റു രാജ്യങ്ങളോടും ആവശ്യപ്പെടുമെന്ന് പ്രധാനമന്ത്രി പറഞ്ഞു. ഇക്കാര്യം വെറുതെ കത്തെഴുതി ആവശ്യപ്പെടുക മാത്രമല്ല, ലോകനേതാക്കളുമായി നടത്തുന്ന കൂടിക്കാഴ്ചകളില്‍ ഉന്നയിക്കുമെന്നും മോദി അറിയിച്ചു. ഡിസംബറില്‍ റഷ്യയിലേക്ക് നടത്തുന്ന യാത്രയില്‍ ഈ വിഷയം റഷ്യന്‍ നേതൃത്വവുമായി ഉന്നയിക്കും. നേതാജിയുടെ കുടുംബവുമായി നടത്തിയത് സമഗ്രവും മറക്കാനാവാത്തതുമായ സംഭാഷണമാണെന്നും പ്രധാനമന്ത്രി കൂട്ടിച്ചേര്‍ത്തു. വളരെയധികം മികച്ച കൂടിക്കാഴ്ചയാണ് പ്രധാനമന്ത്രിയുമായി നടത്തിയതെന്ന് നേതാജിയുടെ മരുമകന്‍ അര്‍ദ്ധേന്ദു ബോസ് പറഞ്ഞു.
ബംഗാള്‍ സര്‍ക്കാറിന്റെ പക്കലുള്ള 64 ഫയലുകള്‍ ഒരുമാസം മുമ്പ് ബംഗാള്‍ മുഖ്യമന്ത്രി മമത ബാനര്‍ജി പുറത്തുവിട്ടിരുന്നു. ഇതേതുടര്‍ന്ന് രഹസ്യഫയലുകള്‍ വെളിപ്പെടുത്താന്‍ കേന്ദ്രത്തിനുമേല്‍ സമ്മര്‍ദം ശക്തമായ പശ്ചാത്തലത്തിലാണ് മോദി സര്‍ക്കാറിന്റെ തീരുമാനം.
ബംഗാള്‍ സര്‍ക്കാര്‍ കഴിഞ്ഞ മാസം പുറത്തുവിട്ട രേഖകളില്‍ 1945നുശേഷവും നേതാജി ജീവിച്ചിരുന്നുവെന്നതിന്റെ സൂചനയുണ്ട്. അമേരിക്കന്‍ രഹസ്യാന്വേഷണ ഏജന്‍സികളുടെ റിപ്പോര്‍ട്ടുകളാണ് ഇത്തരം സൂചന നല്‍കുന്നത്. നേതാജിയുടെ തിരോധാനവുമായി ബന്ധപ്പെട്ട് റഷ്യ, ജപ്പാന്‍, ചൈന, സിംഗപ്പൂര്‍, മലേഷ്യ, അമേരിക്ക എന്നീ രാജ്യങ്ങളുടെ രഹസ്യഫയല്‍ ശേഖരത്തിലും വിവരങ്ങളുണ്ട്.
അവ പരസ്യമാക്കിയാല്‍ നേതാജിക്ക് എന്തു സംഭവിച്ചുവെന്ന 70 വര്‍ഷം നീണ്ട ചോദ്യത്തിന് ഉത്തരമാകുമെന്നാണ് പ്രതീക്ഷ. രഹസ്യഫയല്‍ പുറത്തുവിടാനുള്ള കേന്ദ്ര സര്‍ക്കാര്‍ തീരുമാനത്തില്‍ സന്തോഷമുണ്ടെന്ന് നേതാജിയുടെ കുടുംബത്തിലെ ഇപ്പോഴത്തെ തലമുറയിലുള്ള അഭിജിത് റേ, ചന്ദ്രബോസ് തുടങ്ങിയവര്‍ പ്രധാനമന്ത്രിയുമായുള്ള കൂടിക്കാഴ്ചക്കുശേഷം പറഞ്ഞു. നേതാജിയുടെ കുടുംബത്തിലെ 35 പേരാണ് പ്രധാനമന്ത്രിയെ കണ്ടത്. കൂടിക്കാഴ്ചയില്‍ ആഭ്യന്തര മന്ത്രി രാജ്‌നാഥ് സിങ്, വിദേശകാര്യ മന്ത്രി സുഷമ സ്വരാജ് എന്നിവരും പങ്കെടുത്തു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha