പോസ്റ്മോര്ട്ടത്തിനു തൊട്ടുമുമ്പ് അത്ഭുതകരമായി ജീവിതത്തിലേക്കു മടങ്ങിയെത്തിയാള് ബുധനാഴ്ച മരണത്തിനു കീഴടങ്ങി
പോസ്റ്മോര്ട്ടം ചെയ്യുന്നതിനു തൊട്ടുമുമ്പ് ജീവിതത്തിലേക്കു തിരിച്ചെത്തിയ മുംബൈ സ്വദേശിയായ പ്രകാശ് എന്ന 50 വയസുകാരന് ഒടുവില് മരണത്തിനു കീഴടങ്ങി. മുംബൈ നഗരത്തില് ബോധരഹിതനായി വീണുകിടന്ന പ്രകാശിനെ ഞായറാഴ്ചയാണ് ആശുപത്രിയില് പ്രവേശിപ്പിച്ചത്. പ്രധാനമന്ത്രി നരേന്ദ്ര മോദി ഒരു ചടങ്ങില് സംബന്ധിക്കാനായി എത്തുന്നതിനാല് നഗരത്തില് ശക്തമായ പോലീസ് പട്രോളിംഗ് ഉണ്ടായിരുന്നു. പട്രോളിംഗ് നടത്തിയ പോലീസാണ് പ്രകാശിനെ സമീപത്തുള്ള സ്വകാര്യ ആശുപത്രിയായ സിയോനില് എത്തിച്ചത്.
പരിശോധനയില് പള്സ്, ഹൃദയമിടിപ്പ് എന്നിവ നിലച്ചതായി ഡോക്ടര്മാര് സ്ഥിരീകരിച്ചു. തുടര്ന്ന് പ്രകാശിന്റെ ശരീരം പോസ്റ്റ്മോര്ട്ടത്തിനായി മാറ്റി. എന്നാല്, മോര്ച്ചറി അറ്റന്ഡര് പ്രകാശിന്റെ ശരീരത്തില് ജീവന്റെ തുടിപ്പ് ബാക്കിനില്ക്കുന്നതായി മനസിലാക്കി. ഡോക്ടര്മാരെ വിവരമറിയിക്കുകയും വിദഗ്ധ ചികിത്സ നല്കുകയുമായിരുന്നു. മോര്ച്ചറി ടേബിളില്നിന്ന് അദ്ഭുതകരമായി ജീവിതത്തിലേക്ക് മടങ്ങിയെത്തിയ പ്രകാശ് ബുധനാഴ്ച മരണത്തിനു കീഴടങ്ങി.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
