തെളിവുകള്‍ എല്ലാം പുറത്തുവരും. നേതാജി സുബാഷ് ചന്ദ്രബോസിന്റെ തിരോധാനവും മരണവുമായും ബന്ധപ്പെട്ട രേഖകള്‍ പുറത്തുവിടാന്‍ കേന്ദ്ര സര്‍ക്കാര്‍ തീരുമാനിച്ചതു സ്വാഗതം ചെയ്യുന്നുവെന്ന് അദ്ദേഹത്തിന്റെ മകള്‍ അനിത ബോസ്. കേന്ദ്ര സര്‍ക്കാരിന്റെ കൈവശമുള്ള നേതാജിയെക്കുറിച്ചുള്ള രേഖകള്‍ പുറത്തുവിടാമെന്ന് പ്രധാനമന്ത്രി നരേന്ദ്ര മോദി ഉറപ്പു നല്കിയിട്ടുണ്ട്. നേതാജിയുമായി ബന്ധപ്പെട്ടുള്ള ചരിത്രപരമായ അഭ്യൂഹങ്ങള്‍ക്ക് ഇതോടെ അവസാനമാകുമെന്നാണ് പ്രതീക്ഷയെന്നും അനിത ബോസ് പറഞ്ഞു.
നേതാജിയെക്കുറിച്ച് കേന്ദ്ര സര്‍ക്കാരിന്റെ കൈവശമുള്ള രേഖകള്‍ പുറത്തുവിടണമെന്ന് ആവശ്യപ്പെട്ട് കഴിഞ്ഞ ദിവസം അദ്ദേഹത്തിന്റെ കുടുംബാംഗങ്ങള്‍ പ്രധാനമന്ത്രിയെ കണ്ടിരുന്നു. ഇതേത്തുടര്‍ന്ന് നേതാജിയുമായി ബന്ധപ്പെട്ടുള്ള 130 രഹസ്യ ഫയലുകള്‍ 2016 ജനുവരി 23നു പുറത്തുവിടുമെന്ന് കേന്ദ്രം അറിയിച്ചു. നേതാജിയുടെ 118-ാം ജന്മവാര്‍ഷികമാണ് 2016 ജനുവരി 23നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha