സിംഗപ്പുരിലും തായ്ലന്ഡിലും ചൈനയിലും ഹോട്ടല് രാജ, ആഫ്രിക്കയില് ഡൈമണ്ട് രാജ, ഛോട്ടാരാജന്റെ സ്വത്ത് ടാറ്റായോടൊപ്പം
ലോക കോടീശ്വരന് മാരില് ഇനി ഇന്ത്യയുടെ അധോലോക നായകന് ഛോട്ടാരാജയുടെ പേരും അധികം വൈകാതെ എഴുതി ചേര്ക്കേണ്ടി വരും. ഇന്ത്യയില് മാത്രമേ ഛോട്ടാരാജന് അധോലോക നായനെന്നുള്ള പരിവേഷമുള്ളു. ചൈനയിലും സിംഗപ്പുരിലും ഇന്തോനേഷ്യയിലും തായ്ലാന്റിലും ഹോട്ടല് രാജ, ഗള്ഫ് രാജ്യങ്ങളില് മധ്യസ്ഥനായും റിയലസ്റ്റേറ്റ് നടത്തി ബിസ്നസ് രാജ്, ആഫ്രിക്കയില് ഡയമണ്ട് രാജ എന്നിങ്ങനെ പേരുകളിലാണ് ഛോട്ടാരാജന് അറിയപ്പെടുന്നത്. ഇന്ത്യയിലും യുറോപ്പിലും മധ്യഏഷ്യയിലടക്കം ഏതാണ്ട് 6000-7000 കോടി രൂപയിലധികം സ്വത്തുക്കള് ഛോട്ടാരാജന് ഉണ്ടെന്നാണ് കണക്ക്.
കഴിഞ്ഞ ദിവസം ഇന്തോനേഷ്യയില് പിടിയലിയപ്പോള് രക്ഷപ്പെടുന്നതിന് വേണ്ടി ഛോട്ടാരാജന് 1000കോടിയാണ് പോലീസിന് വാഗ്ദാനം നല്കിയത്. ചൈനയിലും ഹോട്ടലുകളും സിംഗപ്പുരിലും തായ്ലന്ഡിലും ജൂവലറി ഷോപ്പുകളും ജക്കാര്ത്തയില് ഹോട്ടലുമുണ്ട്. സിംബാബ്വെ പോലുള്ള ആഫ്രിക്കന് രാജ്യങ്ങളില് ഡയമണ്ട് ബിസിനസിലും ഛോട്ടാ രാജന് മുതല്മുടക്ക്. അധോലോക നായകന് ദാവൂദമായിട്ടായിരുന്നു ഡയമണ്ട് ബിസ്നസില് ഛോട്ടാരാജന്റെ മത്സരം. ദാവൂദിന്റെ അനുയായികളെ മാടുകളെ കൊല്ലുന്നതു പോലെ നിഷ്കരുണം കൊന്നിരുന്ന ഛോട്ടാരാജനെ വധിക്കാന് പലപ്പോഴും ദാവൂദും സംഘവും ശ്രമിച്ചിരുന്നു. അതില് അതി വിദഗ്തമായി രക്ഷപെട്ടിരുന്ന ഛോട്ടാരാജനെ ദാവൂദിനും സംഘത്തിനും പേടിയുമായിരുന്നു.
എന്നാല് രാജന് സ്വമേധയാ പോലീസിന് പിടികൊടുത്തതായും റിപ്പോര്ട്ടുകള് പുറത്ത് വരുന്നുണ്ട്. പൊലീസിന് കീഴടങ്ങി ഇന്ത്യയിലേക്ക് വരികയെന്നത് ഛോട്ടാ രാജന്റെ അവസാന രക്ഷാമാര്ഗമായിരുന്നു എന്നുവേണം കരുതാന്. സിംബാബ്വെയില് അഭയം തേടാന് ശ്രമിച്ചിരുന്നതായി മുംബൈ പൊലീസിന് വിവരം കിട്ടിയിട്ടുണ്ട്. രാജനെ വധിക്കാന് ഛോട്ടാ ഷക്കീല് പദ്ധതിയിട്ടിരുന്നുവെന്നും അതറിഞ്ഞതുകൊണ്ടാണ് ഇന്തോനേഷ്യയിലേക്ക് വരുത്തി അറസ്റ്റ് ചെയ്യിച്ചതെന്നും റിപ്പോര്ട്ടുണ്ട്. സിംബാബ്വെയില് അഭയം ചോദിച്ചിരുന്നെങ്കിലും, ഇന്ത്യ തേടിക്കൊണ്ടിരിക്കുന്ന കുറ്റവാളിക്ക് അഭയം നല്കാന് സിംബാബ്വെ തയ്യാറായിരുന്നില്ല. വി.വി.ഐ.പികള്ക്ക് ലഭിക്കുന്ന സുരക്ഷയും ഛോട്ടാ രാജന് ആവശ്യപ്പെട്ടിരുന്നു. എന്നാല്, ഇതുനല്കാന് സിംബാബ്വെ സര്ക്കാര് തയ്യാറായില്ല.
ദാവൂദ് ഇബ്രാഹിമിന്റെ ആളുകള് തന്നെ കണ്ടെത്താന് സാധ്യതയുണ്ടെന്ന് ആശങ്കപ്പെട്ട ഛോട്ടാ രാജന് അതില്നിന്ന് പിന്മാറുകയായിരുന്നു. വൃക്കകള് തകരാറിലായതിനെത്തുടര്ന്ന് ഡയാലിസിസിന് വിധേയനാവുകയാണ് രാജനിപ്പോള്. അതിനിടെ താന് പൊലീസിനു മുന്നില് കീഴടങ്ങിയെന്ന വാര്ത്ത തെറ്റാണെന്ന് ഛോട്ടാരാജന് വ്യക്തമാക്കിയിട്ടുണ്ട്. താന് ഒരിക്കലും കീഴടങ്ങാന് ഉദ്ദേശിച്ചിരുന്നില്ലെന്നും അദ്ദേഹം പറഞ്ഞു. ഓസ്ട്രേലിയയില് താമസിക്കുന്നതിനു മുമ്പ് സിംബാബ്വേയിലായിരുന്നു താമസമെന്നും തനിക്ക് അങ്ങോട്ട് പോകണമെന്നും രാജന് പൊലീസിനോട് ആവശ്യപ്പെട്ടതായി വാര്ത്ത പുറത്തുവന്നിരുന്നു. എന്നാല് തനിക്ക് സിംബാവ്വേയിലേക്ക് പോകേണ്ടെന്നും ഇന്ത്യയിലെത്താനാണ് താത്പര്യമെന്നും അദ്ദേഹം പൊലീസിനോട് പറഞ്ഞു.
സിംബാബ്വെയിലേക്ക് രക്ഷപ്പെടാന് ഛോട്ടാ രാജന് പദ്ധതിയിട്ടിരുന്നതായി ഇന്തോനേഷ്യന് പൊലീസും സ്ഥിരീകരിച്ചു. ഇന്തോനേഷ്യന് പൊലീസില്നിന്ന് മോചനം ആവശ്യപ്പെട്ട രാജന്, സിംബാവെയിലേക്ക് പോകണമെന്ന് പറഞ്ഞതായി പൊലീസ് കമ്മീഷണര് റെയ്നാര്ഡ് നയ്ന്ഗൊലാന് പറഞ്ഞു. അതിനിടെ, രാജനെ ഇന്ത്യയിലെത്തിക്കാനുള്ള ശ്രമങ്ങള് മുംബൈ പൊലീസ് ഊര്ജിതമാക്കി. 75 കേസ്സുകളില് രാജനെതിരെ വിശദാംശങ്ങള് െ്രെകംബ്രാഞ്ച് ശേഖരിച്ചുകഴിഞ്ഞു. ഇതില് ഭൂരിഭാഗവും സംഘടിത കുറ്റകൃത്യങ്ങള് തടയുന്നതിനുള്ള പ്രത്യേക നിയമമായ മക്കോക്ക അനുസരിച്ചുള്ളതാണ്. ഈ കേസുകളുടെ ബാഹുല്യവും അതിന്റെ ഗൗരവവും കണക്കിലെടുക്കുമ്പോള് മൂന്നുവര്ഷമെങ്കിലും രാജനെ തടവിലാക്കാന് കഴിയുമെന്ന് പൊലീസ് കരുതുന്നു. അതിനിടെ ഛോട്ടാ രാജനെതിരെയുള്ള കേസുകളുടെ വിവരങ്ങള് തയ്യാറാക്കി വയ്ക്കാന് സിബിഐ മുംബൈ പൊലീസിനോട് ആവശ്യപ്പെട്ടു. അതേസമയം, ഛോട്ടാ രാജനെ ഇന്ത്യയിലെത്തിക്കാനുള്ള നിയമനടപടികള്ക്കായി സിബിഐ യുടെ പുതിയ അന്വേഷണസംഘം ഉടന് ഇന്തോനേഷ്യയിലേക്ക് തിരിക്കും.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
