ഇന്ത്യക്കാരനെ അമേരിക്കയില് പൊലീസ് ആക്രമിച്ചത് അകാരണമായെന്ന് പരാതി
പേരക്കുട്ടികളെ കാണാന് എത്തിയ ഇന്ത്യക്കാരനായ മുത്തച്ഛനെ പൊലീസ് അകാരണമായി മര്ദ്ദിച്ചത് ഇംഗ്ളീഷ് അറിയാത്തതിനായിരുന്നുവെന്ന് അമേരിക്കന് അഭിഭാഷകന് വിചാരണയില് കോടതി മുമ്പാകെ വെളിപ്പെടുത്തി.
കഴിഞ്ഞ ഫെബ്രുവരിയിലാണ് സുരേഷ് ഭായി പട്ടേല് എന്ന 57-കാരന് മകനെയും പേരക്കുട്ടികളെയും കാണാനായി ഗുജറാത്തില്നിന്ന് അമേരിക്കയിലെത്തിയത്.
മകന്റെ താമസസ്ഥലത്തിനടുത്ത് നടക്കാനിറങ്ങിയ പട്ടേലിനെ സംശയം തോന്നിയ പൊലീസ് ഉദ്യോഗസ്ഥന് ചോദ്യംചെയ്തു. ഇംഗ്ളീഷ് അറിയാത്തതിനാല് പൊലീസ് പറഞ്ഞത് പട്ടേലിന് മനസ്സിലായില്ല.
ഇതില് കുപിതനായ പൊലീസ് ഉദ്യോഗസ്ഥന് പട്ടേലിനെ നിലത്ത് ചവിട്ടിവീഴ്ത്തുകയും തലപിടിച്ച് നിലത്തിടിക്കുകയും ചെയ്തുവെന്നാണ് പറയപ്പെടുന്നത്.
ഒരു വശം തളര്ന്ന പട്ടേല് ഇപ്പോഴും ചികിത്സയിലാണെന്നും പൊലീസുദ്യോഗസ്ഥന് ശിക്ഷാര്ഹമായ കുറ്റമാണ് ചെയ്തതെന്നും കൈവിലങ്ങ് വെക്കാമായിരുന്നിട്ടും ചവിട്ടിവീഴ്ത്തിയത് ന്യായീകരിക്കാനാവില്ലെന്നും വാദി ഭാഗം അഭിഭാഷകന് റോബര്ട്ട് പോസെയ് കോടതിയില് പറഞ്ഞു.
എന്നാല്, പട്ടേല് ആയുധവുമായി ആക്രമിക്കാന് വന്നതിനാലാണ് പൊലീസുദ്യോഗസ്ഥന് ബലപ്രയോഗം വേണ്ടിവന്നതെന്നാണ് പ്രതിഭാഗം അഭിഭാഷകന്റെ വാദം. കോടതിയില് വാദം തുടരുകയാണ്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
