അനുഭവ സമ്പത്തിന്റെയും നാടന്‍ ഉപകരണങ്ങളുടെയും കാര്യ ശേഷി പ്രജാപതിമാര്‍ ഒരിക്കല്‍ കൂടി തെളിയിച്ചപ്പോള്‍ രണ്ടാമത് ഒരു കുട്ടി കൂടി ജീവനോടെ കുഴല്‍ കിണറില്‍ നിന്നു പുറത്തെത്തി. എന്നാല്‍ തല കീഴായി കിണറ്റിലേക്കു വീണു ഗുരുതരമായി പരുക്കേറ്റ കുട്ടിയെ 60 കിലോമീറ്റര്‍ പിന്നിട്ട് ആശുപത്രിയിലെത്തിച്ചപ്പോഴേക്കും മരണത്തിനു കീഴടങ്ങി.

ആള്‍വാര്‍ ജില്ലയിലെ നൊഗാന്‍വ ഗ്രാമത്തിലാണ് ഹിമാന്‍ഷ്യ എന്ന നാലു വയസുകാരന്‍ ചൊവ്വാഴ്ച ഉച്ചയ്ക്കു കുഴല്‍ കിണറില്‍ വീണത്. പോലീസും ദേശീയ ദുരന്ത നിവാരണ സേനയും ഒരു മണിക്കൂറിനുശേഷം സ്ഥലത്തെത്തി രക്ഷാപ്രവര്‍ത്തനം തുടങ്ങിയിരുന്നു.
പിന്നീടാണ് ദൗസ ജില്ലയിലെ ലാല്‍ സോട്ടില്‍ കുട്ടിയെ രക്ഷിച്ച പ്രജാപതിമാരെ വിവരം അറിയിച്ചത്. രാത്രി വൈകി സ്ഥലത്തെത്തിയ അവര്‍ പുലര്‍ച്ചെ രണ്ടോടെ കുട്ടിയെ ജീവനോടെ പുറത്തെടുത്തു. എന്നാല്‍ ആശുപത്രിയിലേക്കുള്ള വഴി മധ്യേ കുട്ടി മരിക്കുകയായിരുന്നു.
വെള്ളം കിട്ടാതായ കിണര്‍ വീട്ടുകാര്‍ മൂടുന്നതിനിടെയായിരുന്നു അപകടം. തല കീഴായി കിണറില്‍ വീണ കുട്ടി 45 അടിയോളം താഴെ കുടുങ്ങി നിന്നു. ഒരു മാസത്തിനുള്ളില്‍ ജില്ലയില്‍ കുഴല്‍ കിണറില്‍ വീണു കുട്ടി മരിക്കുന്ന രണ്ടാമത്തെ സംഭവമാണിത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha