മന്ത്രി കൈക്കൂലി വാങ്ങിയാല്‍ മാത്രമെ പിടിയിലാകുവെന്ന് കരുതുന്നവര്‍ സൂക്ഷിക്കണം. മന്ത്രിയുടെ ഭാര്യ കൈക്കൂലി വാങ്ങിയാലും പിടിയിലാകുമെന്ന് ഓര്‍ക്കണം. ഏഴ് കോടി രൂപ കൈക്കൂലി വാങ്ങിയതിന് കര്‍ണാടക മന്ത്രിയുടെ ഭാര്യയെ ഒളിക്യാമറ ഓപ്പറേഷനിലൂടെ പിടികൂടി. സാമൂഹ്യക്ഷേമ വകുപ്പ് മന്ത്രി ആഞ്ജനേയയുടെ ഭാര്യയാണ് ഒരു ടെണ്ടര്‍ അനുവദിയ്ക്കുന്നതിനായി കൈക്കൂലി വാങ്ങിയതായി തെളിഞ്ഞത്. എന്നാല്‍ ആരോപണം രാഷ്ട്രീയപ്രേരിതവും ഗൂഢാലോചനയുടെ ഭാഗവുമാണെന്നാണ് ആഞ്ജനേയയുടെ നിലപാട്.

ഒരു സ്വകാര്യ ടി.വി.ചാനല്‍ നടത്തിയ സ്റ്റിംഗ് ഓപ്പറേഷനിലാണ് മന്ത്രിയുടെ ഭാര്യയെ പിടികൂടിയത്. മന്ത്രിയുടെ വീട്ടിലെത്തിയ ചാനല്‍ സംഘം പണം മേശപ്പുറത്ത് വയ്ക്കുന്നതിന്റേയും ഭാര്യ ഏറ്റു വാങ്ങുന്നതിന്റേയും ഒളി ക്യാമറ ദൃശ്യങ്ങളാണ് പുറത്തുവിട്ടത്.

വ്യാജ കറന്‍സി നോട്ടുകളാണ് ഓപ്പറേഷന് വേണ്ടി ഉപയോഗിച്ചത്. ഒളി ക്യാമറ ഓപ്പറേഷന്‍ വിവരം പുറത്തു വിട്ടതോടെ മന്ത്രിയുടെ രാജി ആവശ്യപ്പെട്ട് പ്രതിപക്ഷം രംഗത്തെത്തി.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha